کراچی (ویب ڈیسک) پاکستان تحریک انصاف کی خاتون رہنما دعا بھٹو کا کہنا ہے کہ مولانا فضل الرحمان کو صرف حلوہ اور ڈیزل چاہیے، انہوں نے چیئرمین شپ کے دوران کشمیر کے لئے کیا کیا؟ تفصیلات کے مطابق پی ٹی آئی کی رکن سندھ اسمبلی دعا بھٹو کا کہنا ہے کہ مولانا فضل الرحمان کو صرف حلوہ اور ڈیزل چاہیے، انہوں نے چیئرمین شپ کے دوران کشمیر کیلئے کیا کیا؟میں مارچ کے خلاف نہیں نکلی بلکہ بچوں کو شریک کرنے کے خلاف نکلی،میں نے مارچ کے شرکاء کا مذاق نہیں اڑایا ۔ یاد رہے کہ گزشتہ روز تحریکِ انصاف کی ایم پی اے دعا بھٹو آزادی مارچ کے شرکاء کیلئے ناشتہ لے کر اسلام آباد پریس کلب پہنچ گئیں ۔ دعا بھٹو آزادی مارچ کے شرکاء کے لیے ناشتے کی دیگیں لے کر اسلام آباد پریس کلب پہن گئیں، جہاں انہوں نے مارچ کے شرکاء کو ناشتے کے دعوت دی ۔ خیال رہے کہ جب جمیعتِ علماء اسلام ف کی جانب سے احتجاج کے بارے میں کہا گیا تب وزیراعظم عمران خان نے پارلیمنٹ میں تقریر کرتے ہوئے کہا تھا کہ جو بھی احتجاج کرنا چاہے گا وہ اسے کنٹینر بھی دیں گے اور کھانا بھی فراہم کریں گے۔ اس کے بعد صوبائی وزیر میاں محمود الرشید نےبھی کہا تھا کہ اگر مولانا فضل الرحمان درخواست کریں تو حکومت ان کو اسلام آباد میں کھانا، کنٹینر اور جگہ فراہم کرے گی۔ اور آج آزادی مارچ کے آغاز کے موقع پر پاکستان تحریکِ انصاف کی رکن صوبائی اسمبلی دعا بھٹو ناشتہ لے کر پہنچیں ۔ واضح رہے کہ گزشتہ روز حکومتی مذاکراتی کمیٹی اور اپوزیشن کی رہبر کمیٹی کے درمیان معاہدہ طے پاگیا تھا جس کے مطابق اپوزیشن ریڈ زون اور ڈی چوک نہیں آئے گی جبکہ حکومت کنٹینر ہٹا کر راستے کھول دے گی۔ پرویز خٹک نے گزشتہ روز بتایا تھا کہ ڈنڈا بردار لوگ نہیں آئیں گے، نہ ہی اپوزیشن ڈی چوک ہیا ریڈ زون تک جائے گی، جلسہ گراؤنڈ میں ہو گا اور پرامن احتجاج ہوگا جبکہ حکومت شہر کھلا رکھے گی۔ انہوں نے بتایا کہ ضلعی انتظامیہ اور اپوزیشن کے درمیان معاہدے کی دستاویز پر دستخط ہو گئے ہیں
