ننکانہ صاحب(محمد قمر عباس )ہمارے فائر ریسکیورز کی بے مثال خدمات اور جانوں کے نذرانے ریسکیو1122کا ظرہ امتیاز اور فخر ہیں ڈسٹرکٹ ایمرجنسی آفیسر محمد اکرم پنوار کی زیر صدارت پنجاب ایمرجنسی سروس ریسکیو1122اور ٹی ایم اے فائر بریگیڈ نے انٹرنیشنل فائر فائٹر ڈے کے موقع پر ریسکیو1122آفس ننکانہ صاحب میں ایک سیمیناز ،آگاہی واک اور فلیگ مارچ کا اہتمام کیا گیاجس میں ریسکیوسیفٹی آفیسر محمد شاہد ،میڈیا کوارڈینیٹر علی اکبر، تمام ریسکیورز ،طلباء اور شہریوں کی کثیر تعداد نے شرکت کی ۔شرکاء نے اپنے اپنے خیالات کا اظہار کیااس موقع پر ڈسٹرکٹ ایمرجنسی آفیسر محمد اکرم پنوارنے اپنے فائر ریسکیورز اور شہداء کو بھر پور انداز میں خراج تحسین پیش کیا انہوں نے کہا ان کی بے مثال کاوشیں اور پیشہ ورانہ ذمہ داریوں کو نبھانے کا جذبہ ہمارے ادارے کا وقار اور فخر ہیں دراصل ہمارے فائر ریسکیورز وہ حقیقی ہیروز ہیں جو لوگوں کی جان ومال کو بچانے کے لیے ہر طرح کے خطرات کے باوجود اپنے اپنے فرائض کو خوش اسلوبی سے سرانجام دیتے ہیں اور دوسروں کے لئے اعلیٰ مثال بن جاتے ہیں آخر میں تمام شہداء کی بلندی درجات کے لئے اجتماعی دعا بھی کی گئی۔
