پیرس کی ممتاز سیاسی وسماجی شخصیت مرزا ساجد کی طرف سے صدر اوورسیز یونٹی چوہدری اشفاق جٹ کے اعزاز میں پرتکلف عشائیہ کا اہتمام، پیرس کی معروف سیاسی سماجی وادبی شخصیات رونق محفل ہوئیں
پیرس؍اسلام آباد(ایس ایم حسنین) پیرس کے معروف بزنس مین اور سماجی راہنما مرزا ساجد جرال نے اپنے ہردلعزیز دوست صدر اوورسیز یونٹی فرانس چوہدری اشفاق جٹ کے اعزاز میں پیرس کے معروف ریسٹورنٹ بھٹی مرچ مصالحہ پرتکلف عشائیہ کا اہتمام کیا ۔ جس میں پیرس بھر سے معروف سیاسی سماجی، کاروباری برادری، اور ادبی اورصحافتی شخصیات کو مدعو کیا گیا تھا۔ پر رونق محفل میں میزبان مرزا ساجد جرال کے علاوہ مہمان خصوصی چوہدری اشفاق جٹ اور قریبی دوستوں صدر مسلم لیگ ن یوتھ فرانس چوہدری اصغر خان ، جنرل سیکرٹری مسلم لیگ ن یوتھ چوہدری سجاد خان،سینئر راہنما تحریک انصاف فرانس ملک انصر خان، سینئر راہنما پیپلز پارٹی فرانس قاری فاروق احمد فاروقی، چیف کوآرڈینیٹر مسلم لیگ ن یوتھ ونگ فرانس ملک انعام، سینئر نائب صدر مسلم لیگ ن یوتھ فرانس راجہ ماجد، ممتاز ثناخوان مصطفیٰ ﷺ حافظ محمد معظم اور دیگر اہم شخصیات نے شرکت کی ۔
پررونق محفل کا اہتمام پیرس کے معروف بھٹی مرچ مصالحہ ریسٹورنٹ میں کیا گیا تھا۔جوکہ اپنے کھانوں کے اجزائے ترکیبی میں اعلیٰ اقدار اور بہترین اخلاق کی وجہ سے پیرس بھر میں بہت پسند کیا جاتا ہے ۔ اس موقع پر پرتکلف مرغن دیسی ڈشز اور میٹھے سے مہمانوں کی تواضح کی گئی ۔
مرزا ساجد جرال نے مہمان خصوصی چوہدری اشفاق جٹ اور ان کی اوورسیز یونٹی کی سماجی خدمات کی تعریف کی اور کہا کہ چوہدری اشفاق جٹ کی سربراہی میں تمام اوورسیز کمیونٹی بھرپور اعتماد کیساتھ کام کر رہی ہے اور بنیادی مسائل پر توجہ کے علاوہ کمیونٹی کے درمیان بہترین رابطوں کیلئے پل کا کردار قابل تحسین ہے ۔ انھوں نے تمام معزز مہمانوں کی آمد کا شکریہ ادا کیا اور تمام سیاسی وسماجی اوردوسری وابستگیوں سے بالا تر ہوکر کمیونٹی کا چوہدری اشفاق جٹ پر بھرپور اعتماد پر بھی خصوصی طور پر ذکر کیا ۔
تمام شرکا نے مرزا ساجد جرال کے خلوص اور مہمان نوازی کی تعریف کی اور ان بارونق محفل کے اہتمام پر ان کا شکریہ ادا کیا۔ تمام شرکا نے بھٹی مرچ مصالحہ کی ایڈمنسٹریشن کی خوش اطواری اور اعلیٰ معیار کی بھی تعریف کی۔
