عازمین کو تین وقت کا کھانا ، جدہ اور مدینہ منورہ ائر پورٹس پر ایکسپریس کلیئرنگ اور ائر پورٹس پر عازمین کو جوسز، سینڈوچ ، پھلوں اور دیگر اشیا پر مبنی ریفریشمنٹ دی جائے گی۔
اسلام آباد: حج ادائیگی کیلئے جانے والے عازمین کو وزارت مذہبی امور نے گزشتہ برسوں کے مقابلے میں بہتر سہولیات ، حرم سے قریب رہائش گاہیں فراہم کرنے سمیت ٹریننگ ، حجاز مقدس میں رہنمائی کیلئے لائحہ عمل ترتیب دے دیا ہے ۔ رواں برس سرکاری سکیم کے عازمین کو حجاز مقدس میں بشمول منیٰ میں تین وقت کا کھانا فراہم کرنے ، جدہ اور مدینہ منورہ ائر پورٹس پر ایکسپریس کلیئرنگ کرائی جائیگی اور ائر پورٹس پر عازمین کو جوسز، سینڈوچ ، پھلوں اور دیگر اشیا پر مبنی ریفریشمنٹ دی جائے گی ، رہائش گاہوں میں انٹر نیٹ ، وائی فائی بھی فری فراہم کیا جائیگا۔
واضح رہے سرکاری اسکیم کے تحت اس سال ایک لاکھ 7 ہزار عازمین حج کی سعادت حاصل کریں گے ، رواں سال 3 لاکھ سے زائد خواہشمندوں نے درخواستیں جمع کرائی تھیں۔
