ایک نئی ریسرچ کے مطابق مرد حضرات روزانہ کم از کم 10 عورتوں کو گھورتے ہیں اور اس کام کیلئے ان کے 43 منٹ ضائع ہوتے ہیں۔ اگر اس وقت کا مردوں کی اوسط عمر سے تخمینہ لگائے جائے تو یہ تقریبا ایک سال بنتا ہے۔
لندن: (یس اُردو) برطانیہ میں مرتب کی گئی اس ریسرچ کے مطابق اس کام کیلئے مرد یونہی بدنام ہیں کیونکہ خواتین بھی روزانہ تقریبا 20 منٹ چھ یا اس سے زائد مردوں کو گھورتی ہیں۔ اگر اس وقت کا ان کی اوسط عمر سے تخمینہ لگایا جائے تو ہر خاتون اپنی زندگی کے 6 ماہ مردوں کو گھورتی ہے۔ اس ریسرچ رپورٹ کو کوڈک لینز وژن سینٹر سے تعلق رکھنے والے مارک آئر لینڈ نے مرتب کیا۔ ان کا کہنا تھا کہ دنیا بھر کے مرد حضرات عورتوں کو گھورنے کیلئے بدنام ہیں لیکن ہمارے لئے یہ سٹڈی حیران کن تھی کہ خواتین بھی مردوں کو گھورنے میں دلچسپی لیتی ہیں۔ برطانیہ میں کی گئی اس ریسرچ رپورٹ کو مرتب کرنے کیلئے تقریبا 3 ہزار افراد سے سوالات پوچھے گئے۔ سٹڈی میں شریک مردوں نے انکشاف کیا کہ سپر مارکیٹس، پبز اور نائٹ کلبز ان کی پسندیدہ جگہیں ہیں جہاں وہ عورتوں کو گھورتے ہیں۔ مردوں اور خواتین نے بتایا کہ وہ جنس مخالف کی توجہ اور پسندیدگی کے اظہار سے خوش ہوتے ہیں۔ تاہم ریسرچ کے مطابق مردوں کو یہ توجہ زیادہ پسند آتی ہے جبکہ 20 فیصد خواتین اس سے شرمندگی محسوس کرتی ہیں
