اسلام آباد (ویب ڈیسک) وزیراعظم عمران خان کے کزن نوشیروان برکی پر انڈے پھینکنے والے ڈاکٹر کو ملازمت سے نکالنے کی سفارش کر دی گئی۔ تفصیلات کے مطابق پانچ ماہ قبل خیبر ٹیچنگ اسپتال پشاور میں بورڈ آف گورنرز کے اجلاس کے دوران تلخ کلامی کے بعد مشتعل ڈاکٹر نے مبینہ طور پروزیراعظم عمران خان کے کزن ڈاکٹر نوشیروان برکی پر اننڈے مار دئیے تھے جس پر ایک ہنگامہ کھڑا ہو گیا تھا۔ ڈاکٹر نوشیروان برکی کو بچاتے ہوئے وزیر صحت ڈاکٹر ہشام انعام اللہ بھی زخمی ہو گئے تھے۔ واقعے کی تفتیش کرنےوالی خیبر ٹینچنگ اسپتال کی مینجمنٹ کمیٹی نے ڈاکٹر ضیاالدین کو ملازمت سے نکالنے کی سفارش کرتے ہوئے کہا ہے انہوں نے بار بار بلانے کے باجوود بھی وضاحت نہیں دی۔ کمیٹی نے اپنی رپورٹ میں کہا ہے کہ ڈاکٹر ضیاءالدین نے 14 مئی 2019ء کو چئیرمین پالیسی بودڑ ڈاکٹر نوشیروان پر گندے انڈے پھینکے۔ ڈاکٹر ضیا کو پہلے بھی نامناسب رویے پر نوٹس بھیجے جا چکے ہیں۔ تفتیش کاروں کا کہنا ہے کہ سفارش کی گئی ہے کہ ڈاکٹر ضیاء کو فوری طور پر ملازمت سے برطرف کیا جائے۔دوسری جانب ڈاکٹر ضیاء الدین کو یہ یہ موقف ہے کہ انہیں انتقامی کاروائی کا نشانہ بنایا جا رہا ہے۔ان کا کہنا ہے کہ وزیر صحت کے غنڈوں نے تشدد کیا اور میرے خلاف ایف آئی آر کاٹی گئی۔
