دنیا بھر میں کروڑوں افراد نیند کی کمی کے شکار ہیں لیکن اب ایک جرمن کمپوزر نے انہیں پرسکون کرکے نیند دلانے والی ایک طویل لوری تیار کی ہے جو نیند لانے میں مدد کرتی ہے۔
لندن: (یس اُردو) یہ لوری ایک غیر ملکی ریڈیو کی تاریخ کی سب سے طویل نشریات ثابت ہوئی اور بے خوابی کے شکار کئی مریضوں نے اسے سنا جسے بالغ افراد کے لیے لوری قرار دیا جا سکتا ہے جو مسلسل آٹھ گھنٹے تک جاری رہی۔ نیند کی کمی کے شکار کئی افراد نے اسے بہت مفید پایا اور لوری سن کر نیند کی آغوش میں چلے گئے۔ لندن کی ایک 26 سالہ خاتون بیانکا ایک طویل عرصہ سے نیند سے دور تھیں لیکن لوری سن کر وہ بھی گہری نیند میں چلی گئیں، اسی طرح لندن کے ایک اور نوجوان نے بتایا کہ وہ لوری سن کر پرسکون ہو گئے اور صبح بہت تازہ دم ہو کر اُٹھے۔موسیقار میکس ریکٹر نے اس لوری کا نام نیند رکھا ہے۔ اس کی تیاری کے لیے دماغی اور اعصابی ماہرین سے مدد لی گئی ہے۔ اب اس لوری کی سی ڈی بھی فروخت کے لیے پیش کر دی گئی ہے جس کی قیمت پاکستانی 4 ہزار روپے ہے۔
