اسلام آباد ; عوامی مسلم لیگ کے سربراہ شیخ رشید نے کہا ہے کہ ن لیگ کا میڈیا سیل چیف جسٹس کیخلاف مہم چلا رہا ہے، عوام کی خدمت کرتے دیکھ کرحسد کا شکار ہیں،قلم دوات بھاری اکثریت سے جیت جائے گی،دوسری جماعتوں کے لوگ ووٹ ضائع کرنے سے بہترقلم
دوات کو ووٹ دیں۔ سربراہ عوامی مسلم لیگ شیخ رشید نے میڈیا سے گفتگو کرتے ہوئے کہا کہ چیف جسٹس سپریم کورٹ کے اسپتال کا دورہ کرنے سے جن کے پیٹ میں درد ہوا یا جن کو جلن ہوئی ہے وہ برنال لگائیں ۔چیف جسٹس کے دورے کا تعلق قلم دوات سے نہیں ہے۔قلم دوات توویسے ہی جیت رہی ہے۔شیخ رشید نے پیپلزپارٹی اور دیگر جماعتوں کے کارکنان کومخاطب کرتے ہوئے کہا کہ اس سے اچھا یہ ہے کہ آپ کے ووٹ ضائع ہوجائیں ووٹ ضائع ہونے سے بہتر ہے کہ وہ قلم دوات کو ووٹ پڑ جائیں۔شیخ رشید نے کہا کہ ن لیگ کا میڈیا سیل چیف جسٹس کیخلاف مہم چلا رہا ہے۔جولوگ عوام کو کچھ نہ دے سکے، وہ اب دوسروں کو عوام کی خدمت کرتے دیکھ کرحسد کا شکار ہیں۔ان کواب تکلیف اس بات کی ہے کہ اب کوئی اورکیوں ڈلیور کررہا ہے جبکہ ان کو اس کی تکلیف نہیں ہوئی۔انہوں نے کہا کہ وہ لوگ چلوبھر پانی لیکر ڈوب مریں کہ ہماری مائیں اور بچیاں سڑکوں پر بچوں کوجنم دے رہی ہیں۔ان لوگوں کے ناک میں بھی کوئی تکلیف ہوتی ہے تووہ علاج کیلئے لندن اور امریکہ جاتے ہیں۔انہوں نے کہا کہ چیف جسٹس کے ایکشن سے زچہ بچہ ہسپتال بننے کا عوام کوفائد ہوگا۔
واضح رہے چیف جسٹس سپریم کورٹ ثاقب نثار نے راولپنڈی میں زچہ بچہ ہسپتال کیس کی سماعت کے دوران اسپتال کا جائزہ لینے کیلئے شیخ رشید کے حلقے کا دورہ کیا۔ جس پر سابق وزیراعظم نواز شریف نے شدید تنقید کرتے ہوئے کہا کہ جو شخص ہمیں گالیاں دیتا ہے اس کے ساتھ ایک ہسپتال میں چیف جسٹس کا اکٹھے نظر آنا افسوسناک ہے۔دوسری جانب ایک خبر کے مطابق عوام مسلم لیگ کے سربراہ شیخ رشید نے ریحام خان کا موازنہ طوائف سے کرتے ہوئے ایک قصہ سنا دیا۔ تفصیلات کے مطابق عوامی مسلم لیگ کے سر براہ شیخ رشید کا ریحام خان کی کتاب کے اوپر تبصرہ کرتے ہوئے کہنا تھا کہ میں نے بہت ساری عورتوں کو شادی کے بعد شریف ہوتے دیکھا ہے۔میں جس گھر میں رہتا ہوں۔یہ لال حویلی ہے جو بدھو بائی کا کوٹھا تھا۔شیخ رشید کا کہنا تھا کہ ایک ہزار بُدھو بائی جیسی طوائفیں بھی ریحام خان سے زیادہ باعزت ہوں گی، جنہوں نے ایک گھنٹہ بھی نکاح میں گزارا ہوتا ہے اسکی پاسداری کرتے ہیں۔شیخ رشید کا کہنا تھا کہ جب میں وزارت میں تھا ا س میں فلم انڈسٹری بھی تھی تو میں نے وہاں دیکھا کہ کنجروں کے بھی اصول ہوتے
ہیں۔اسی متعلق اداکارہ ارمینہ خان نے بھی ایک ٹویٹ کیا ہے اور کہا ہے کہ یہ کون شخص ہے ؟۔جو فلم انڈسٹری کے خلاف اتنی نا زیبا زبان استعمال کر رہا ہے اور سے بھی اہم بات یہ ہے کہ اس طرح کی فحش زبان کو ایک ٹی وی چینل پر نشر کرنے کی اجازت کیسے دی جا سکتی ہے ؟۔جب کہ ریحام خان نے بھی اداکارہ ارمینہ خان کو اس ٹویٹ پر جواب دیا ہے اور کہا ہے کہ اللہ تمھیں خوش رکھے۔یہ شخص تو سمجھتا ہے کہ یہ دنیا کا مشہور ترین آدمی ہے،تمہارا یہ بیان اسے مارڈالے گا۔جب کہ سوشل میڈیا صارفین نے بھی شیخ رشید کی اس ویڈیو پر ملے جلے رد عمل کا اظہار کیا ہے۔ایک سوشل میڈیا صارف کا کہنا تھا کہ شیخ رشیدکو کیا پتا عورت کی عزت کا ریحام بی بی بھی عورت ھے بے نظیر بھٹو کے بارے وہ جو کہتا تھا وہ سب کو یاد ھے۔جب کہ ایک سوشل میڈیا صارف کا کہنا ہے کہ شیخ رشید کی طرف سے یہ سب سن کر بہت افسوس ہوا۔شاہد اس شخص کے پاس دماغ نہیں ہے۔ان جیسے سیاست داںوں کے کوئی اصول نہیں ہوتے۔
