اسلام آباد( نیوز ڈیسک) وزیر خارجہ شاہ محمود قریشی نے نامور اینکر پرسن جاوید چوہدری کو آڑھے ہاتھوں لے لیا، چوہدری چوہدری نے عمران خان کے دورہ امریکہ اور اقوام متحدہ میں پاکستان کے کردار پر پروگرام کرنے کا سوچا اور اسپیشل طور پر وزیر خارجہ کو مہمان خصوصی بنایا اور سوال کر دیا کہ پاکستان کو ہیومن رائٹس کونسل میں قرار داد پیش کر کے ناکامی کا سامنا کیوں کرنا پڑا، جس کا جواب دیتے ہوئے شاہ محمود قریشی کا کہنا تھا کہ ہم نے کوئی قرار داد پیش نہیں کی، ہم نے کرنی ہی نہیں تھی ، یہ ہماری حکمت عملی اک حصہ تھا کہ ہم قرار داد پیش نہیں کریں گے، کسی صحافی نے یہ نہیں پوچھا کہ ہم لوگوں نے قرار داد پیش کیوں نہیں کی، آپ لوگ ہمیشہ سنی سنائی باتوں پر جاتے ہیں، نہ ہم نے کوئی قرار داد لکھی اور نہ ہی ہم نے کسی سے رابطہ کیا، ہم نے طے کر لیا تھا کہ ہم کوئی قرارداد پیش نہیں کریں بلکہ ڈبیٹ کریں گے، ہم نے قرار داد کے لیے نہ 16 ملکوں سے رابطہ کیا اور نہ کسی اور سے، ابھی اس کا وقت ہی نہیں ہے، جب وقت آئے گا قرارداد جمع کرائیں گے، کسی کے کہنے پر جمع نہیں کرائیں گے، آپ لوگوں کی اور ہماری سوچوں میں یہی فرق ہے، آپ کھیل رہے ہیں ٹی ٹوئینٹی میچ، یہ میچ ٹیسٹ میچ ہے، اس کے لیے ہمیں لمبے عرصے تک کھیلنا ہے، یہ 20 اوورز کا میچ نہیں ہے، جو نتیجہ آپکو 72 سالوں میں نہیں مل سکا وہ 20 اووروں میں کیسے لیں گے؟ آپ کس دنیا میں بیٹھے ہیں، کس کو بیوقوف بنا رہے ہیں، کس کے ساتھ تماشہ کر رہے ہیں؟ ہم لوگ کبھی بھی قوم سے جھوٹ نہیں بولیں گے ، ہم سے جو غلطی ہوگی اسکا اعتراف کریں گے، جہاں رہنماءی چاہیئے ہوگی وہاں رہنمائی لیں گے، اور جہاں درست ہونگے وہاں ڈنکے کی چوٹ پر آواز اُٹھائیں گے، آپ جو مرضی کہیں ، جو مرضی لکھیں ہم لوگ آپ کے سوشل میڈیا اور ٹویٹوں کے دباؤ میں آکر فیصلے نہیں کریں گے، کسی کا ایجنڈا لے کر تو نہیں بیٹھے ہوئے؟ میں آپ کو آپ کے ہی پروگرام میں غلط کہہ رہا ہوں مجھے جھوٹا کر کے دکھائیں، آپ نے سوال کیا میں نے جواب دیا، میں آپ کے سوال کو تسلیم کر رہا ہوں آپ میرا جواب تسلیم کر لیں ۔ پروگرام میں مزید کیا ہوا؟ ویڈیو آپ بھی دیکھیں :
