کھاریاں(نیئر صدیقی سے) کھاریاں پریس کلب کے الیکشن برائے 2016ء کے صدارتی امیدوار لیاقت علی قادری کی طرف سے ممبران کے اعزاز میں گرینڈ ظہرانہ، صحافیوں کی کثیر تعداد میں شرکت۔ تفصیلات کے مطابق امیدوار برائے صدر کھاریاں پریس کلب لیاقت علی قادری کی طرف سے گرینڈ سٹی ہاؤسنگ سوسائٹی کے سبزہ زار میں کھاریاں پریس کلب کے ممبران کے اعزاز میں گرینڈ ظہرانہ دیا۔ جس میں کھاریاں کے صحافیوں نے کثیر تعداد میں شرکت کی۔ ظہرانے کی تقریب سے خطاب کرتے ہوئے لیاقت قادری نے کہا کہ وہ منتخب ہو کر کھاریاں کے صحافیوں کے ذاتی اور اجتماعی مسائل کے حل کیلئے اپنی جان تک لڑا دیں گے۔ اپنے منشور کے ایک ایک لفظ پر سختی سے عمل درآمد کریں گے اور چھ ماہ کے اندر اندر ممبران کو تبدیلی کا احساس دلائیں گے۔ انہوں نے کہا کہ ہمارا منشور ہماری جدوجہد ،تعلقات اور صلاحیتوں کو مدنظر رکھ کر حقائق کی روشنی میں بنایا گیا ہے۔ ہم وعدوں پر نہیں بلکہ ارادوں پر یقین رکھنے والے لوگ ہیں۔ ہم صحافیوں کی بہتری کیلئے وہ کچھ کر دکھائیں گے جو لوگ سوچ بھی نہیں سکتے ۔ ظہرانے کی تقریب سے خطاب کرتے ہوئے میاں محمد صفدر ، ڈاکٹر ذکاء اللہ صدیق اور نیئر صدیقی نے کہا کہ پریس کلب کے ممبران کو ضمیر کی آواز پر لبیک کہنا چاہئے اور ایسی قیادت کا انتخاب کرنا چاہئے جو معاشرے میں صحافت کے وقار اور پریس کلب کے معیار کی بلندی کا باعث بن سکے۔ اور اس وقت صدر کے عہدے کیلئے لیاقت علی قادری بہترین انتخاب ہیں۔ انہوں نے کہا کہ لیاقت علی قادری کے ماضی اور حال کو مدنظر رکھ کر بلا مبالغہ کہا جا سکتا ہے کہ وہ اپنے پیشے اور پیشہ ور دوستوں کے ساتھ مخلص ترین شخص ہیں۔ ظہرانے میں سابق صدر نصر اللہ چوہدری، سید تنویر نقوی، طاہر رشید صدیقی، امجد حسین امجد، جبار ساگر، ایم عمر، حکیم سجاد اکرم، وقاص رؤف، میاں سلیم یوسف، عزیز الرحمن مجاہد، عبدالعزیز گوندل، اعجاز مرزا، نور الاسلام، سہیل کامران اور محمد انور چوہان سمیت دیگر صحافیوں نے شرکت کی۔
