ممبئ (یس ڈیسک) فلم فتور کی مرکزی کاسٹ میں ادیتیہ رائے کپور کترینہ کیف ادیتی راؤ حیدری اشکے اوبرائے‘ طلعت عزیز اور ریکھا پہلے ہی شامل ہیں اور اب لارا دتہ بھی اس فلم کی کاسٹ کا حصہ بن گئی ہیں جب کہ اجے دیوگن بھی ایک مختصر سے کردار میں جلوہ گر ہوں گے۔
اداکارہ فلم میں آرٹ گیلری کی سرپرست کے کردارمیں جلوہ گرہوں گی۔ لارا دتہ نے کہا کہ فلم میں یہ کردار ادا کرنے کے لیے وہ انتہائی پرجوش ہیں ان کی بیٹی کو فلم کے لیے ان کا کیا گیا گیٹ اپ بے حد پسند آیا ہے‘ ان کی بیٹی نے ان کو اس حلیے میں ’’بیوٹی فل‘‘ کا خطاب دیا ہے تاہم وہ بے حد خوش ہیں فلم جلد ہی مکمل کرلی جائے گی۔
ڈائریکٹر ابھیشیک کپور کی یہ فلم چارلس ڈکن نے ناول ’’ گریٹ ایکسپیک ٹیشن ‘‘ سے ماخوز ہے۔ دوسری طرف یہ بھی اطلاعات ہیں کہ فلم کے ہیرو ادیتیہ رائے کپور بھی اس فلم ’’ فتور ‘‘ میں ایک پینٹر کا کردار ادا کر رہے ہیں اور کترینہ کیف اس کی تخلیقی صلاحیتوں والی ساتھی کے کردار میں ہے۔
ادیتیہ رائے کپور اور لارا دتہ فلم کے بعض ڈرامائی مناظر میں بھی ایک ساتھ دیکھے جائیں گے۔ اس کے بعد لارا دتہ اپنے شوہ مہیش بھوپتی کی فلم ’’شامیانہ ‘‘ میں بھی کام کریں گی جب کہ کے کے مینن اس کے ساتھی اداکار ہوں گے‘ اس کے علاوہ لارا کے پاس ایک اور فلمی پروجیکٹ ’’چلو چائنہ ‘‘ بھی ہے جو کہ اس کی اپنی پروڈکشن سے ’’ چلو دلی ‘‘ کا سیکوئل ہوگی۔
