مقتولین میں 25 سالہ مالک ، اسکی 22 سالہ بیوی آسیہ دو بچے ، 3 سالہ مریم اور 5 سالہ آصف شامل ہیں
لاہور : لاہور کے علاقے رسول پورہ میں نامعلوم افراد نے میاں بیوی اور دو بچوں کو سوتے ہوئے تیز دھار آلے سے قتل کر دیا ۔
افسوسناک واقعہ لاہور کے تھانہ نواب ٹاؤن کے علاقے رسول پورہ میں پیش آیا ۔ جہاں مالک نامی شخص اپنی بیوی اور دو بچوں کے ہمراہ رہائش پذیر تھا ۔ گھر کے مکینوں کو کیا خبر تھی کہ آج ان کی آخری رات ہو گی ۔ سفاک قاتلوں نے سوتے میں چاروں کو تیز دھار آلے سے قتل کر دیا ۔ دو بچوں کو جناح ہسپتال لے جایا گیا مگر وہ بھی جانبر نہ ہو سکے ۔
واقعے کے بعد پو لیس اور فرانزک ماہرین کی ٹیمیں جائے وقوعہ پر پہنچیں اور شواہد اکٹھے کئے ۔ مقتولین میں 25 سالہ مالک ، اسکی 22 سالہ بیوی آسیہ دو بچے ، 3 سالہ مریم اور 5 سالہ آصف شامل ہیں ۔
