لاہور کے علاقے راوی روڈ پر ٹیکسی ڈرائیور نے لوٹ مار کرنے والے دو افراد کو فائرنگ کرکے زخمی کر دیا۔ ڈاکوؤں کی جوابی فائرنگ سے ٹیکسی ڈرائیور جاں بحق ہو گیا۔ ایک زخمی ڈاکو کوپولیس نے گرفتار کر لیا جبکہ دوسرا فرار ہو گیا۔
پولیس کے مطابق ڈاکوؤں کی جوابی فائرنگ سے 30 سالہ ٹیکسی ڈرائیور یوسف سر میں گولی لگنے سے ہلاک ہوا۔ پولیس نے موقع پر پہنچ کر ایک زخمی ڈاکو کو گرفتار کرلیا جبکہ دوسرا ڈاکو زخمی حالت میں فرار ہوگیا۔ گرفتار زخمی ڈاکو کو میو اسپتال منتقل کردیا گیا ۔ اس کی شناخت عثمان کے نام سے ہوئی ہے۔
