کنگسٹن : ویسٹ انڈیز اور آسٹریلیا کے درمیان جاری دوسرا کرکٹ ٹیسٹ کنگسٹن میں جاری ہے۔ آج میچ کا تیسرادن ختم ہونے تک ویسٹ انڈیز نےاپنی دوسری اننگز میں 2 وکٹوں پر 16 رنز بنالیے ہیں۔
اس سے پہلے آج جب تیسرے دن کا کھیل شروع ہوا، تو ویسٹ انڈیز نے اپنی پہلی اننگز 143 رنز 8 وکٹوں پر دوبارہ شروع کی، تو ان کی پوری ٹیم 5.59 اوورز میں 220 رنز کے اسکور پر آئوٹ ہوگئی، ٹیم کی جانب سے جیسن ہولڈر نے 82 رنز بنائے، تاہم کینگروز کی جانب سے جوش ہیزل وڈ نے 5 وکٹیں حاصل کیں اور کینگروز ٹیم کو کالی اندھی ٹیم پر 179رنز کی مجموعی برتری حاصل ہوگئی۔ آسٹریلیا نے آپنی دوسری اننگز کا آغاز 179 رنز کی برتری کے ساتھ دوبارہ شروع کیا
تو شون مارش 69، ڈیوڈ وارنر 62 نے کالی اندھی کے بالرز کا بھرپور سامنہ کیا اور 3.36 اوورز میں 117 رنز کی پارٹنرشپ پہلی وکٹ پر کر ڈالی، اسٹیون اسمتھ نے بھی54 کے ساتھ نمایاں کردار ادا کیا۔ آسٹریلوی کپتان نے 65 اوور کے اختتام پر اننگز ڈکلیر کردی اس وقت تک ٹیم کا اسکور 212 رنز 2 وکٹوں کے نقصان پر تھا اور ویسٹ انڈیز کو جیتنے اور سیریز برابر کرنے کے لیے 392 رنز کا ہدف دے دیا۔
