لاہور(پ ر) تحریک لبیک یا رسول اللہ ﷺکے اجتما میں علامہ خادم حسین رضوی کا روح پرور خطاب
کشمیر صرف اسلامی جہاد کے ذریعے آزاد ہوگا، علامہ خادم حسین رضوی
انسانیت کے نام پر ٹھیکیداری کرنے والوں کو مقبوضہ کشمیر میں کٹتے ہوئے انسانی جسم اور چیختی چلاتی ہوئی بے سہارا عورتیں اور بچیاں کبھی نظر نہیں آئیں۔ عالم کفر کی ایمائ پر مسلمانوں پر زمین تنگ کی جا رہی ہے
تحریک لبیک یا رسول اللہ ﷺ کے زیر اہتمام جامع مسجد سید نا صدیق اکبر المعروف حاجی فیروز دین والی آخری سٹاپ جی ٹی روڈ پر اجتماع بسلسلہ نظام مصطفی ﷺ منعقد ہوا جس کی صدارت پیر راشد سیالوی دامت برکاتہم عالیہ نے فرمائی۔
اجتماع میں خصوصی شرکت حضرت علامہ خادم حسین رضوی، پیر محمد اعجازاشرفی، علامہ غلام عباس فیضی، مفتی عابد رضا قادری،
مولانا شاہد چشتی، پیر اعجاز نقشبندی، میاں شیخ نثار احمد اور انجمن سیالوی برادران و دیگر خواص و عام نے کثیر تعداد میں خصوصی شرکت کی۔ شرکاءسے گفتگو فرماتے ہوئے علامہ خادم حسین رضوی نے کہا۔ اسلام اور پاکستان دشمنوں کے پاس اس مُلک کی بدخواہی کے علاوہ کچھ بھی نہیں۔ اُنہوں نے کہا انڈونیشیا کے عیسائیوں نے اپنی علیحدگی کے لیئے دو چار ہنگامے کیئے تو عالمِ کفر کو انسانی ہمدردیاں یاد آگئیں اور اُن کو علیٰحدہ اپنی ریاست مل گئی۔ اسی طرح کی متعدد مثالیں موجود ہیں۔ کشمیر میں70 سال تک مسلم اکثریتی علاقہ جو تقسیم ہند کے قانون کے مطابق مسلمانوں کا ہے۔ لاکھوں قربانیاں دینے کے بعد آج بھی ظلم و بربریت کی انتہا کرتے ہوئے انسانی تذلیل جاری ہے۔ لیکن انسانیت کے نام پر ٹھیکیداری کرنے والوں کو مقبوضہ کشمیر میں کٹتے ہوئے انسانی جسم اور چیختی چلاتی بے سہارہ عورتیں اور بچیاں کبھی نظر نہیں آئیں۔ اس موقع پر مفکرِ پاکستان علامہ اقبالؒ کے شعر کا ترجمہ اپنے انداز میں کرتے ہوئے اُنہوں نے کہا کہ اے بھولے بھالے مسلمان تجھے فرنگیوں سے غمگساری کی اُمید ہے لیکن تجھے پتہ ہونا چاہیئے، پرندے کھانے والے پرندے کے قابو میں جب دوسرا پرندہ آ جاتا ہے تو اُس کی چیخ و پکار کرنے سے اُس نے اُسے کبھی نہیں چھوڑا۔ اس لیئے تو خود اُٹھ اور اپنے مسائل حل کرنے کے لئے اپنی طاقت قائم کر۔ ان کفن چوروں سے تو کیا اُمید رکھتا ہے۔ علامہ مسلمانوں کو یہ پیغام دیتے ہوئے دُنیا سے تشریف لے گئے۔ از خواب گراں….از خواب گراں ….از خواب گراں۔ علامہ خادم رضوی نے کہا تحریک لبیک یا رسول اللہ ﷺ خلوص اور ایمانداری کے ساتھ مطالبہ کرتی ہے۔ زورِ بازو آزما شکوہ نہ کر سیاد سے، آج تک کوئی قفس ٹوٹا نہیں فریاد سے۔ لہٰذا کشمیر جب بھی آزاد ہو گا تو صرف اور صرف اسلامی جہاد کے ذریعے سے آزاد ہو گا اور اس وقت عالمِ کفر کی ایماءپر مسلمانوں پر زمین تنگ کی جار ہی ہے۔
محمد طٰہٰ اشرفی، سیکریٹری مرکزی میڈیا ایڈوائزر، 0300-9489386
0345-4789739
