کراچی میں شارع فیصل اسٹار گیٹ کے قریب سپر مارکیٹ میں لگی آگ پر قابو پالیا گیا۔
فائر بریگیڈ حکام کے مطابق آگ سپر مارکیٹ کے جنریٹر روم میں لگی تھی جس پر قابو پانے کے لیے تین فائر ٹینڈرز نے حصہ لیا۔ ذرائع کے مطابق فائر بریگیڈ کی جانب سے بروقت ریسکیو آپریشن کے بعد آگ پر مکمل طور پر قابو پالیا گیا ہے اور ابھی اسٹور میں کولنگ کا عمل جاری ہے۔ آگ کے باعث کسی قسم کے جانی نقصان کی کوئی اطلاع نہیں ہے۔
