کراچی کے مختلف علاقوں میں پولیس نے جرائم پیشہ افراد کے خلاف کریک ڈاؤن کے دوران 7 ملزمان کو گرفتار کر لیا گیا۔ اورنگی ٹاؤن میں فائرنگ سے ڈاکٹر زخمی ہو گیا۔
کراچی: تیموریہ میں پولیس نے کارروائی کر کے 4 ملزمان کو گرفتار کر لیا۔ ایس پی گلبرگ کے مطابق گرفتار ملزمان قتل اور ڈکیتی کی وارداتوں میں ملوث ہیں۔ ملزمان نے ایک ماہ قبل گلشن اقبال میں ایک شخص کو ڈکیتی کے دوران قتل کیا تھا۔ گرفتار ملزمان کے قبضے سے مسروقہ 2 لاکھ روپے، موٹر سائیکل اور اسلحہ برآمد کر لیا گیا۔ نیو کراچی خمیسو گوٹھ میں پولیس اور رینجرز کے مشترکہ سرچ آپریشن کے دوران 3 ملزمان کو گرفتار کر لیا۔ پولیس کے مطابق گرفتار ملزمان سے منشیات برآمد کر لی گئی ہیں۔ دوسری جانب اورنگی ٹاؤن بہار کالونی میں نامعلوم افراد کی فائرنگ سے ڈاکٹر فہیم زخمی ہو گئے۔ پولیس کے مطابق واقعے کی تحقیقات کی جا رہی ہیں۔
