حب ڈیم سے کراچی کو پانی فراہم کرنے والی ندی میں پڑے شگاف کو دوسرے روز بھی بھرا نہ جاسکا ،شہر میں قلت آب کے مسئلے نے سر اٹھانا شروع کردیا ہے۔
منگھو پیر کے پاس حب کینال میں پڑنے والے شگاف کی وجہ سے شہر میں 10کروڑ گیلن پانی کی قلت ہوگئی جس سے ضلع غربی کے کئی علاقے پانی کو ترسنے لگے ہیں۔
ترجمان واٹر بورڈ کے مطابق حب کینال میں مرمتی کام جاری ہے، ضلع غربی ودیگر علاقوں میں پانی کی فراہمی معطل ہے،شہری اس حوالے سے محتاط رہیں۔
