کراچی کے مختلف علاقوں میں پولیس نے کارروائی کرکے 6 ملزمان کو گرفتار کرلیا ہے۔ پولیس کا کہنا ہے کہ گرفتار افراد میں اسٹریٹ کرائمز میں ملوث ملزمان بھی شامل ہیں۔
ڈیفنس میں درخشاں پولیس نے مختلف علاقوں میں کارروائی کرکے 4 ملزمان کو گرفتار کرلیا۔ پولیس کا کہنا ہے کہ گرفتار ملزمان اسٹریٹ کرائمز کی ارداتوں میں ملوث ہیں۔ جن کے قبضے سے چار پستول بھی برآمد کئے گئے ہیں۔
دوسری جانب مرزا آدم خان روڈ اور ماری پور ٹرک اڈا کے قریب پولیس نے کارروائی کرکے دو ملزم کو گرفتار کرلیا۔ پولیس کا کہنا ہے کہ ملزمان جرائم کی مختلف وارداتوں میں ملوث ہیں جن کے قبضے سے اسلحہ اور منشیات برآمد کی گئی ہے۔
