واشنگٹن (ویب ڈیسک) پراسرار طیارہ امریکی دارالحکومت کے ریڈ زون میں گھس آیا، امریکی سیکورٹی اداروں نے صدارتی محل وائٹ ہاوس کو ہنگامی طور پر لاک ڈاون کر دیا۔ امریکی خبر رساں اداروں کی جانب سے فراہم کردہ تفصیلات کے مطابق امریکا میں طیارے کی جانب سے ممنوعہ حدود میں آمد کے باعث وائٹ ہاؤس
کو مکمل طور پر بند کر دیا گیا۔ بتایا گیا ہے کہ منگل کی صبح ایک طیارے کی ممنوعہ حدود میں آمد کے باعث قانون نافذ کرنے والے اداروں نے فوری طور پر وائٹ ہاؤس کا لاک ڈاؤن کر دیا۔ اداروں کی طرف سے وائٹ ہاؤس کو 30 منٹ تک بند کیا گیا۔ امریکی سیکورٹی کی جانب سے بتایا گیا ہے کہ طیارے کی جانب سے خلاف ورزی کے بعد امریکی جنگی طیاروں نے فوراً اس طیارے کا پیچھا کیا اور اسی دوران صدارتی محل وائٹ ہاؤس کا لاک ڈاؤن بھی کیا گیا۔ امریکی حکام کے مطابق ایک چھوٹے طیارے نے فضائی حدود کی خلاف ورزی کی اور ممنوعہ علاقے میں آ گیا۔ بظاہر یہ طیارہ کسی دشمن ملک یا دہشت گردوں کا نہیں تھا۔ تاہم اس حوالے سے تاحال مکمل تفصیلات جاری کرنے سے گریز کیا جا رہا ہے۔ یہاں واضح رہے کہ امریکہ کی تاریخ کا سب سے بڑا دہشت گرد حملہ نائن الیون بھی طیاروں کے ذریعے کیا گیا تھا۔ دہشت گردوں نے مسافر طیاروں کو ہائی جیک کر کے یہ طیارے ورلڈ ٹریڈ سینٹر کے دونوں ٹاورز سے ٹکرا دیے تھے جس کے باعث دونوں ٹاور زمین بوس ہوگئے تھے۔
jet, enterned, in, red zone, of, sauid arabia,
