اسلام آباد(ایس ایم حسنین) جاپان کے سفیر متسوڈا کونینوری نے کورونا وبا کے باوجود پاکستان کی طرف سے 2021 میں پولیو سے بچاؤ کی پہلی مہم چلانے کے فیصلے کو سراہتے ہوئے کہا ہے کہ جاپان اور پاکستان دنیا سے پولیو کے خاتمے کے لئے مل کر کام کرتے رہینگے۔ سفارتخانے کی طرف سے جاری بیان کے مطابق پانچ روزہ مہم کے دوران ، تقریبا 2 لاکھ 85 ہزار پولیو کارکن 40 ملین سے زائد بچوں کی ویکسی نیشن میں مشغول ہوں گے ،اور اس دوران ماسک پہنے ہوئے ، ہینڈ سینیائٹرز کا استعمال کریں گے اور محفوظ فاصلہ برقرار رکھیں گے۔ سفیر میتسودا نے COVID-19 کے سخت ماحول میں بچوں کو پولیو سے بچانے کے لئے فرنٹ لائن پولیو ورکرز کو خراج تحسین پیش کیا۔ بیان میں کہا گیا ہے کہ اس سال جاپان کی جانب سے پاکستان کو انسداد پولیو امداد کی 25 ویں سالگرہ منائی جارہی ہے۔ اس کی کل امداد 229 ملین امریکی ڈالر تک پہنچ چکی ہے۔ سفیر میتسودا نے مزید کہا کہ “مجھے پوری امید ہے کہ 2021 کا سال پولیو کے خاتمے کے ساتھ ساتھ کوویڈ 19 پر قابو پانے کے لئے ایک بہت بڑا قدم ہے۔ اس مقصد کے لئے ، جاپان پاکستان کے لئے اپنی امداد کے لحاظ سے صحت ، پانی اور صفائی ستھرائی اور تعلیم پر مرکوز رکھے گا ،ان کا کہنا تھا ک تمام شہریوں کی صحت مند اور ثقافتی زندگی کو یقینی بنانا ضروری ہے۔
