اسلام آباد: (یس اردو نیوز)عمران خان کی ضمانت کی منظوری پر رائیونڈ میں صف ماتم کا بچھنا منطقی ہے۔اداروں اور عدالتوں کو سیاسی مخالفین کےخلاف استعمال کرنے والوں کیلئے آج کا دن مایوس کن ہے۔سیاسی بغض و عداوت پر عمران خان کیخلاف دہشت گردی کا مقدمہ قائم کیا گیا۔ یہ بات مرکزی ترجمان پاکستان تحریک انصاف فواد چوہدری نے اپنے ایک بیان میں کہی۔ ان کا کہنا تھا کہ نواز شریف اور انکا ٹبر عمران خان کے سائے سے بھی خوفزدہ ہیں۔شریف خاندان جانتا ہے کہ عمران خان انکی کرپشن اور سیاست دفن کئے بغیر چین سے نہیں بیٹھے گا۔شریف یہ بھی جانتے ہیں کہ عمران خان کی کوئی قیمت ہے نہ ہی اسے خوفزدہ کرنا ممکن ہے۔شریف خاندان جانتا ہے کہ فرعونیت اور رعونت کے ذریعے عمران خان کو خاموش کروانا انکے بس سے باہر ہے۔ فواد چوہدری نے مزید کہا کہ ہر فرعون کا مقابلہ کرنے کیلئے ایک موسیٰ پیدا کرنا اللہ رب العزت کی سنت ہے۔ہمارے عہد کا فرعون جانتا ہے کہ عمران خان پاکستان کو صاف کئے بغیر چین سے نہیں بیٹھے گا۔دانیال، سعد رفیق، عابد شیر علی اور احسن اقبال جیسے چیلے لوٹ کھسوٹ کے مال سے حصہ وصول کرنے کیلئے زندہ ہیں۔دہشت گردی کے مقدمے کا انجام بھی ڈرگ فروش کے مقدمے سے مختلف نہیں ہوگا:
