فرانس (اشفاق احمد چودھری) الیکشن کمیشن اراکین کے سیاسی جماعتوں کے مطالبہ پر مستعفی ہونے سے انکار پر تبصرہ کرتے ہوئے پاکستان تحریک انصاف فرانس کے چودری گلزار احمد لنگڑیال ،سید ظریف شاہ ،عارف مصطفائی ،آصف جرال ،طارق ندیم آرائیں ،آصف جاوید نے اپنے مشترکہ بیان کہا کہ مسند اقتدار سے ‘ مسند انصاف اور مسند انتخاب و مسند انتظام تک ہر فرد اختیارواقتدار ‘ مرتبہ و مفاد سے ہر صورت جڑارہنا چاہتا ہے چاہے۔
وہ اس کی اہلیت سے محروم ہو یا اخلاقی ‘ آئینی اور قانونی جواز سے محروم ہوچکا ہو ۔ بلوچستان میں دہشتگردوں کے حملے کی مذمت کرتے ہوئے رہنماؤں نےمزید کہا کہ بھارت ‘ امریکہ امر اسرائیلی ٹرائیکا پاکستان کو دہشتگردی کی دلدل میں دھکیل چکا ہے اور اب بھارت سرحدی جھڑپوں کے ذریعے پاکستان پر باقاعدہ حملے کی ریہر سل کررہا ہے۔
اسلئے قوم اور قومی قیادت کے ساتھ تمام طبقات کو باہمی اتحاد و یگانگت کی اشد ضرورت ہے گوافواج پاکستان دشمن کی ہر جارحیت کا منہ توڑ جواب دینے اور زمین چاٹنے پر مجبور کرنے کی صلاحیت ‘ جذبے اور خلوص سے مالا مال ہیں۔
مگر قومی یکجہتی و اتحاد فوج کے حوصلوں کیلئے سونے پر سہاگہ کا کردار ادا کرتا ہے جس کے سہارے پاکستانی افواج 1965ءمیں ازلی دشمن کو زخم چاٹنے پر مجبور کرچکی ہیں۔
