فیصل آباد ؛ پاکستان تحریک انصاف نے فیصل آباد کا قلعہ فتح کر لیا، تفصیلات کے مطابق الیکشن 2018ء کے نتائج آنے کا سلسلہ جاری ہے۔نتائج سے پتہ چلتا ہے کہ تحریک انصاف اب تک کئی حلقوں میں میدان مار چکی ہے۔اسی طرح فیصل آباد میں بھی تبدیلی کی لہر چل پڑی ہے
اور تحریک انصاف نے فیصل آباد کا قلعہ بھی فتح کر لیا۔فیصل آباد کے حلقہ پی پی 105 کا غیر حتمی ھیر سرکاری نتیجہ سامنے آیا ہے جس کے مطابق تحریک انصاف کے رہنما ممتاز احمد 49272 کے ساتھ پہلے نمبر پر ہیں جب کہ ن لیگ کے کاشف رحیم 40309کے ساتھ دوسرے نمبر ہر ہیں۔واضح رہے کہ کل پاکستان کی تاریخ کا سب سے بڑا اور مہنگا ترین الیکشن انعقاد پذیر ہوا۔الیکشن کمیشن کی جانب سے جاری کردہ اعداد و شمار کے مطابق عامانتخابات میں 840قومی وصوبائی حلقوں پر 11 ہزار 673 امیدوار حصہ لے رہے تھے،،قومی اسمبلی کے 270حلقوں پر 3 ہزار 428 امیدوار میدان میں اترے تھے جبکہ صوبائی اسمبلیوں کی 570نشستوں پر 8 ہزار 245 امیدواروں میں مقابلہ ہو ا۔قومی اسمبلی کے 270حلقوں میں 1ہزار 623 آزاد امیدوار حصہ لے رہے تھے۔صوبائی اسمبلیوں کےحلقوں پر 8245امیدواروں میں سے 3 ہزار 856 سیاسی جماعتوں کےامیدوار تھے۔خیبرپختونخوا اسمبلی کے لیے 1145 امیدوار میدان میں تھے جبکہ خیبر پختونخواسے قومی اسمبلی کے حلقوں پر 721 امیدوار حصہ لے رہے تھے۔سندھ اسمبلی کے لیے 2 ہزار 179 امیدوار میدان میں تھے جبکہ سندھ سے قومی اسمبلی کے حلقوں کے لیے 814 امیدوار میدان میں تھے۔پنجاب میں قومی اسمبلی کےحلقوں کیلیے 1534امیدوار میدان میں تھے اور پنجاب اسمبلی کے لیے 3 ہزار 975 امیدوار حصہ لے رہے تھے۔بلوچستانمیںقومایسمبلی کے حلقوں پر 290امیدوار میدان میں تھے ،اسی طرح بلوچستان اسمبلی کے حلقوں پر 946 امیدوارمیدان میں تھے۔اسلام آباد کے قومی اسمبلیکے 3 حلقوں پر کل 59 امیدوار تھے۔
