لاہور( ویب ڈیسک)ناخنوں کا خیال رکھنا بہت لڑکیوں کو پسند ہے اس لیے وہ بہت سوچتی بھی ہیں کہ ناخنوں پر نیل پالش لگائیں یا نہیں، لمبے ہوں یا چھوٹے، مضبوط اور چمکدار ناخن ہمیشہ اچھے ہی لگتے ہیں اور مجموعی طور پر اچھی صحت کی نشانی بھی ہوتے ہیں۔ تاہم اگر آپ کے ناخن اکثر ٹوٹ جاتے ہیں یا صحیح طرح اگتے نہیں ہیں، تو یہ کیلشیئم کی کمی کا نتیجہ ہوسکتا ہے۔ کھانا پینا اپکی صحت پر اثر کرتا ہے مگر آپ کو اس کا سہی علم نہیں ہوتا ہے۔ اس صورت میں دودھ سے بنی مصنوعات، سبزپتوں والی سبزیاں، مچھلی، گریاں اور انجیر وغیرہ کا استعمال اس مسئلے سے نجات دلا سکتا ہے۔ تاہم کچھ گھریلو ٹوٹکے بھی اس حوالے سے مددگار ثابت ہوسکتے ہیں۔ ناریل کا تیل ناریل کا تیل اچھا اینٹی آکسائیڈنٹ ہے اور ناخنوں کو فری ریڈیکلز کے نقصان سے تحفظ فراہم کرتا ہے جبکہ یہ جراثیم اور فنگل کش خصوصیات بھی رکھتا ہے، کچھ مقدار میں ناریل کے تیل کو گرم کرکے ناخنوں اور ارگرد کی جلد پر لگاکر اس وقت تک مالش کریں جب تک وہ جذب نہ ہوجائے۔۔۔ سیب کا سرکہ، سیب کا سرکہ ناخنوں کو مضبوط بنانے کے لیے بہت فائدہ مند ہے، اسے استعمال کرنے کے لیے ایک گلاس گرم پانی میں ایک کھانے کا چمچ سرکہ ملائیں اور اس میں ناخنوں کو کچھ منٹ کے لیے ڈبو دیں، اس عمل کو روزانہ دہرائیں۔۔۔ لیموں کا عرق، لیموں میں وٹامن سی کی مقدار بہت زیادہ ہوتی ہے جو کہ کولیگن کی پیداوار تیز کرتا ہے اور ناخنوں کو مضبوط بناتا ہے، اسے استعمال کرنے کے لیے آدھے لیموں کو ایک کپ گرم پانی میں نچوڑ کر مکس کریں اور اس میں ناخنوں کو 5 سے 10 منٹ کے لیے ڈبو دیں۔۔۔ زیتون کا تیل،زیتون کا تیل جلد کی نمی اور ناخنوں کے لیے بہت زبردست ہے، زیتون کے تیل کو کچھ گرم کرکے ناخنوں پر لگا کر 5 سے 10 منٹ تک مالش کریں۔۔۔ انڈے کی زردی اور شہد، ایک انڈے کی زردی کو 1/2 چائے کے چمچ گرم شہد میں مکس کریں اور اس مکسچر کو ناخنوں اور ارگرد کی جلد پر لگا کر پندرہ منٹ کے لیے چھوڑ دیں اور پھر دھولیں۔ انڈے کی زردی میں وٹامن اے اور فیٹی ایسڈز موجود ہوتے ہیں جو کہ کمزور اور بھربھرے ناخنوں کو مضبوط بنانے کے لیے موثر ہیں۔۔۔ بادام کا تیل، بادام کے تیل میں وٹامن اے، بی اور ای کی مقدار بہت زیادہ ہوتی ہے، جو کہ جلد کی مرمت، نمی اور جگمگاہٹ بحال کرنے کے ساتھ ناخنوں کے لیے بھی مفید ہے، اس تیل کو گرم کرکے ناخنوں اور ارگرد کی جلد پر لگائیں اور کچھ منٹ تک مالش کریں۔۔۔ السی کا تیل، اس تیل میں فیٹی ایسڈز کی مقدار بہت زیاد ہہوتی ہے جو کہ ناخنوں کی نشوونما کے لیے موثر ہیں، اس
تیل کو ناخنوں پر لگا کر کچھ منٹ کے لیے مالش کریں۔
اگر ناخنوں کو مضبوط کرنا چاہتے ہیں تو یہ نسخے ضرور آزمائیں
