اسلام آباد (ویب ڈیسک) وفاقی وزیر انسانی حقوق شیریں مزاری نے کہا ہے کہ راؤانوارسےواقعہ ساہیوال تک مقابلوں میں اموات کاسلسلہ ختم کرنا ہوگا۔ حکومت ہونے کےناطے ہماری ذمےداری ہے جاری سلسلہ ختم ہو۔ تفصیلات کے مطابق وفاقی وزیر انسانی حقوق شیریں مزاری نے سماجی رابطے کی ویب سائٹ ٹویٹر پر سانحہ ساہیوال سے متعلق اپنے بیان میں کہا راؤانوار سے واقعہ ساہیوال تک مقابلوں میں اموات کا سلسلہ ختم کرنا ہوگا۔ ہمیں قانونی کی حکمر انی قائم کرنا چاہیے۔ شیریں مزاری کا کہنا تھا کہ حکومت ہونے کےناطے ہماری ذمےداری ہےجاری سلسلہ ختم ہو، جواب دہی سب کے لیے ہونی چاہیے۔ واضح رہے ہفتے کے روز ر ساہیوال کے قریب سی ٹی ڈی کے مبینہ جعلی مقابلے میں ایک بچی اور خاتون سمیت 4 افراد مارے گئے تھے۔ عینی شاہدین کا کہنا تھا کہ کار سواروں نے نہ گولیاں چلائیں، نہ مزاحمت کی، گاڑی سے اسلحہ نہیں بلکہ کپڑوں کے بیگ ملے۔بعد ازاں ساہیوال واقعے پروزیراعظم نے نوٹس لیتے ہوئے وزیراعلیٰ پنجاب کو تحقیقات کرکے واقعے کے ذمے داروں کے خلاف سخت کارروائی کا حکم دیا جبکہ وزیراعظم کی ہدایت پر فائرنگ کرنے والے اہلکاروں کو حراست میں لے لیا گیا اور محکمہ داخلہ پنجاب نے تحقیقات کے لیے جے آئی ٹی بنا دی۔
راؤانوار سے سانحہ ساہیوال تک مقابلوں میں اموات کاسلسلہ ختم نہ ہوا تو۔۔۔ شیریں مزاری نے کیا کرنے کی دھمکی دے دی؟
