اگر آج عارف علوی صدارتی انتخاب جیتے تو اس کا سہرہ کس کے سر جائے گا ؟ سعد رفیق نے بتا دیا

صدارتی انتخاب کے سلسلے میں ووٹ ڈالنے کے لیے پنجاب اسمبلی آمد کے موقع پر سعد رفیق نے اعتزاز احسن کو صدارتی امیدوار نامزد کرنے پر تنقید کرتے ہوئے کہا کہ ‘آصف زرداری کو معلوم تھا کہ وہ ایک متنازع شخص کو امیدوار بنارہے ہیں’۔ساتھ ہی انہوں نے کہا کہ ‘عارف علوی کی کامیابی کا سہرا آصف علی زرداری کے سر ہوگا’۔آصف زرداری نے کس شرط پر اعتزاز احسن کو صدارتی امیدوار نامزد کیا؟خواجہ سعد رفیق نے کہا کہ متحدہ اپوزیشن کے اجلاس میں کہا گیا کہ مسلم لیگ (ن) کے ووٹ زیادہ ہیں، لہذا وزارت عظمیٰ کے لیے امیدوار آپ کا ہوگا۔انہوں نے کہا کہ ‘انتخابی دھاندلی کو بے نقاب کرنے کا ایک موقع تھا، جس کو خراب کیا گیا’۔لیگی رہنما کے مطابق ‘ایک وقت تھا کہ عمران خان کہتے تھے، پیپلز پارٹی ن لیگ کی فرینڈلی اپوزیشن ہے، آج پیپلز پارٹی فرینڈلی اپوزیشن بن گئی ہے، پیپلز پارٹی اور پی ٹی آئی کے ڈانڈے نجانے کہاں کہاں جاکے ملتے ہیں’۔اعتزاز احسن جیل آکر نوازشریف سے معافی مانگیں تو انکے نام پرغورکریں گے،پرویز رشیدان کا مزید کہنا تھا کہ ‘عارف علوی بھلے آدمی ہیں ان کی قدر کرتا ہوں، لیکن آصف علی زرداری کا رویہ ناقابل فہم ہے، آج اگر پی ٹی آئی کا امیدوار جیتا تو شیلڈ زرداری صاحب کو ملے گی’۔واضح رہے کہ صدارتی انتخاب میں پی ٹی آئی کی جانب سے عارف علوی جبکہ پاکستان پیپلز پارٹی کی جانب سے اعتزاز احسن کو امیدوار نامزد کیا گیا تھا، تاہم مسلم لیگ (ن) نے اعتزاز احسن کی نامزدگی کو مسترد کرتے ہوئے مولانا فضل الرحمٰن کو صدارتی امیدوار کے طور پر نامزد کردیا تھا۔