اسلام آباد(نیوز ڈیسک) معروف صحافی چوہدری غلام حسین کا کہنا ہے کہ مجھے لندن سے بہت با وثوق ذرائع نے بتایا ہے کہ اسحاق ڈار کہتے ہیں کہ اللہ کے واسطے میری ماروی میمن سے جان چھڑوا دیں، چوہدری غلام حسین نے مزید کہا کہ اسحاق ڈار نے ماروی میمن کے ساتھ زیادتی کی۔پہلے تو پاؤں پکڑ کر اس سے شادی کی اور پھر اسے پورے خاندان میں رسوا کروا دیا۔ماروی میمن کے بوڑھے ماں باپ کو دورے پڑ گئے۔کچھ لوگوں نے اسحاق ڈار کو کہنا ہے کہ آپ ایک ارب 25 کروڑ روپے ماروی میمن کو دے دیں تو تمہاری جان چھوٹ جائے گی۔لیکن اب پتہ چلا ہے کہ ماروی میمن نے ایک ارب 25 کروڑ روپے حق مہر طے کیا ہوا تھا۔اسحاق ڈار معاہدے کے تحت اس شادی کو ختم کرنے کو تیار ہیں۔اسحاق ڈار ماروی میمن کو 50 کروڑ دینے پر رضامند ہو گئے اور کہا کہ اس معاملے کو ختم کیا جائے۔ماروی میمن نے کہا کہ وہ 50کروڑ کیا 50 ارب بھی دے تو میں ان پیسوں پر تھوکتی ہوں کیونکہ یہ حرام کے پیسے ہیں۔ماوری میمن کہتی ہیں کہ اسحاق ڈار پہلے سب کے سامنے شادی کا اعتراف کرے پھر میں سوچوں گی۔خیال رہے کچھ روز قبل بینظیر انکم سپورٹ پروگرام کی سابق چیئرمین ماروی میمن نے انکشاف کیا ہے کہ اسحاق ڈار جلد پاکستان میں ہوں گے ، سب لوگ اپنی سیٹ بیلٹ باندھ لیںمیڈیا رپورٹ کے مطابق یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، انہوں نے کہا کہ سب کیلئے بریکنگ خبر ہے کہ اسحاق ڈار جلد پاکستان میں ہوں گے ، وطن واپس نہ آکر سب کچھ کھو دینے والے لوگ احمق ہوتے ہیں، ایک معیشت دان ایسا نہیں کر سکتا۔یاد رہے چند روز قبل سابق وزیر خزانہ اسحاق ڈار سے مبینہ شادی کے حوالے سے وہ سماجی رابطے کی ویب سائٹ پر اپنی ہی پارٹی ن لیگ پر برس پڑی تھیں۔
