بالی وڈ کی آنے والی فلم ‘ارادہ’ میں اداکارہ دیویہ دتہ ایک ہندوستانی سیاستدان رامندیپ کے کردار میں نظر آئیں گی، جس کا اسٹائل بالکل حنا ربانی کھر جیسا ہو گا
ممبئی (یس اُردو) پاکستان کی سابق وزیرِ خارجہ حنا ربانی کھر جو کہ اپنے منفرد سٹائل کی وجہ سے ہمیشہ خبروں کی زد میں رہتی ہیں، لیکن اب بالی وڈ میں بھی ان کے سٹائل سے متاثر ہو کر ان جیسا کردار تخلیق کیا گیا ہے ۔
میڈیا رپورٹس کے مطابق بالی وڈ کی آنے والی فلم ارادہ میں دیویہ دتہ ایک ہندوستانی سیاستدان رامندیپ کے کردار میں نظر آئیں گی، جس کا اسٹائل بالکل حنا ربانی کھر جیسا ہو گا ۔اس فلم میں نصیر الدن شاہ اور ارشد وارثی بھی اہم کردار ادا کر رہے ہیں ۔دیویہ دتہ نے اس بات کی تصدیق کی ہے کہ وہ اپنی فلم ارادہ میں پاکستان کی سابق وزیرِ خارجہ حنا ربانی کھر جیسا گیٹ اپ اپنائیں گی ۔اداکارہ کا اس حوالے سے ایک انٹرویو میں کہنا تھا کہ کہ فلم میں ان کا یہ انداز جان بوجھ کر نہیں اپنایا گیا بلکہ ان کے ملبوسات اور گیٹ اپ کی حنا کھر سے اتنی مماثلت ہے کہ سب نے ان کے کردار کو سراہا ۔دیویہ دتہ کا کہنا تھا کہ فلم ارادہ میں رامندیپ کا کردار عزم و ہمت والی ایک پنجابی خاتون کا ہے اور اس کردار کے لیے یہ گیٹ اپ بالکل مناسب ہے ۔یاد رہے کہ حنا ربانی کو 2011 میں دورہ ہندوستان کے دوران ان کے سٹائل کی وجہ سے کافی سراہا گیا تھا
