اسلام آباد;پاکستان مسلم لیگ کے تاحیات قائد اور سابق وزیراعظم نوازشریف آج احتساب عدالت میں پیش ہوئے جہاں وقفے کے دوران انہوں نے میکڈونلڈ کے برگر اور جوس پیئے ۔تفصیلات کے مطابق احتساب عدالت میں العزیزیہ اور فلیگ شپ ریفرنس کی سماعت ہوئی جس دوران عدالت نے نوازشریف کی کلکی پیشی سے استثنیٰ کی درخواست منظور کر لی ہے کیونکہ کل جمعرات کے روز ملاقات کا دن ہے ۔تاہم احتساب عدالت میں کھانے کے وقفے کے دوران نوازشریف نے فاسٹ فوڈ کھانے کی فرمائش کی جس پر چوہدری تنویر نے فوری طور پر اپنے ملازمین کو میکڈونلڈ بھیجا اور نوازشریف کیلئے خصوصی فش برگر منگوایا۔ نوازشریف نے بینکنگ کورٹ کے جج کے کمرے میں بیٹھ کر کھاناکھایا جبکہ اس موقع پر جاوید ہاشمی ، عرفان صدیقی ، مشاہد اللہ ، بیرسٹر ظفر اللہ اور چوہدری تنویر نے بھی ان کے ساتھ لنچ کیا نوازشریف جس وقت کھانے سے لطف اندوز ہو رہے تھے تو اس موقع پر صحافی بھی ان کے پاس موجود تھے اور ایک صحافی نے ان سے پوچھا کہ آج آپ بڑے ہشاش بشاش نظر آ رہے ہیں تو آگے سے نوازشریف نے شاعرانہ انداز اپناتے ہوئے شعر کہا کہ ” ان کے دیکھنے سے جو آجاتی ہے منہ پہ رونق ، وہ سمجھتے ہیں کہ بیمار کا حال اچھا ہے ۔“
یار میں تو ترس گیا ہوں اس چیز کے لیے ۔۔۔۔۔نوازشریف نے آج احتساب عدالت میں پیشی کے موقع پر کیا چیز کھانے کی فرمائش کر ڈالی ؟
