ممبئی: بھارتی اداکارہ ودیا بالن کا کہنا ہے کہ میری زندگی کا ایک حصہ تھا۔ جب میں اپنے ساتھ ایک جنگ لڑ رہی تھی۔ مجھے اپنے جسم سے نفرت تھی۔ غصہ آتا تھا۔ میں چاہتی تھی یہ تبدیل ہوجائے۔ کیوں کہ مجھے ایسا لگتا تھا کہ اگر میں تبدیل ہوجاؤں گی تو ہر کوئی مجھے پسند کرے گا۔ مجھ سے پیار کرے گا۔ لیکن جب میں نے اپنا وزن کافی کم بھی کر لیا تب بھی مجھے اندازہ ہوا کہ ہر کوئی اس وقت بھی مجھے پسند نہیں کرتا تھا۔ اس لیے ایسا سوچنا کہ سب آپ کو پسند کریں بالکل بے مقصد ہے۔ اداکارہ کا مزید کہنا تھا کہ بعد میں خود کو پسند کرنے لگی اور میں جیسی ہوں میں نے ویسے ہی خود کو قبول کیا۔ اب میں زیادہ خوش ہوں۔ مجھے خوبصورتی کا احساس ہوتا ہے۔ میں نے خود کو سب سے بڑا تحفہ یہی دیا ہے کہ اب میں دوسروں کی رائے کو اتنی اہمیت نہیں دیتی۔ ودیا بالن کے مطابق انہیں یہ سمجھ نہیں آتا کہ لوگ ہمیشہ وزن کے حوالے سے ہی کیوں بات کرتے رہتے ہیں۔ اداکارہ کا کہنا تھا کہ میں ایونٹس میں جاتی ہوں وہاں یہی باتیں ہو رہی ہوتی ہیں۔ ارے تم نے اتنا وزن کم کر لیا یا تم نے وزن بڑھا لیا۔ تم کونسی ڈائیٹنگ کررہی ہوں۔ کونسی ورزش کرتی ہوں اور مجھے یہی احساس ہوتا ہے کہ لوگ کتنی آسانی سے دوسروں کے جسم کے حوالے سے بات کر لیتے ہیں۔
مجھے اپنے جسم سے نفرت تھی غصہ آتا تھا میں چاہتی تھی یہ تبدیل ہوجائے، بھارتی اداکارہ ودیا بالن
