اسپیکر قومی اسمبلی ایازصادق کہتے ہیں کہ عمران خان بلاول کے چاچا کہنے کا برا نہ مانیں، ہماری عمریں چاچا اور ماموں والی ہی ہیں۔ وہ کہتے ہیں کہ بلاول نے احتراماً چیئرمین پی ٹی آئی کو چاچا کہا ۔
بلاول ہیں نوجوان لیکن عمر رسیدہ ہیں باقی سیاستدان ، اس لئے جیالے رہنما مخالفین کو انکلز بنا کر کرتے ہیں خوب وار۔ بلاول کی یہ ادا کسی کو اچھی لگے یا نہیں لیکن اسپیکر ایاز صادق کو بھا گئی ہے، کہتے ہیں اس پر ناراض ہونے والی بات نہیں ، بلاول احتراماً ہی چاچا کہتے ہیں۔
سیاسی انکلز کو چاچا ماموں کہہ کر مخاطب کرنے والے بلاول بھٹو زرداری خود بھی اس بات کا اظہار کر چکے ہیں کہ وہ احترام میں ہی چاچا، چاچا پکارتے ہیں۔
