حمل:
21مارچ تا21اپریل
ہر کام پورے اعتماد کیجیے، اپنے حوصلوں کو مضبوطی بخش کر آگے جانے کے بارے میں جدوجہد کریں، بفضل خدا وقت آپ کا ساتھ دے سکے گا اور آپ اپنی منشاء کے مطابق اعلیٰ مقام تک جا پہنچیں گے۔
ثور:
22اپریل تا20مئی
ہم اس حقیقت کو تسلیم کرتے ہیں کہ دنیا میں اچھے لوگوں کی بھی کمی نہیں ہے چنانچہ موجودہ فرد جسے آپ اپنی پسند قرار دے رہے ہیں، آپ کی زندگی کا حقیقی محافظ بننے کی صلاحیت رکھتا ہے۔
جوزا:
21مئی تا21جون
اگر آپ کوئی نیا کاروبار کرنا چاہتے ہیں تو پھر دیر نہ کریں اس سے بہتر موقع آپ کو نہیں مل سکے گا۔ آپ کی اعلیٰ صلاحیتیں ہمہ وقت جاگتی رہیں گی اور ہر معاملے میں آپ کی مدد گار ثابت ہو سکتی ہیں۔
سرطان:
22جون تا23جولائی
جو کچھ ہو چکا ہے اسے بھول جایئے تاکہ آپکا دماغ نت نئی لاحاصل سوچوں کے چنگل سے کلی طور پر آزاد ہو کر کوئی بہتر و قابل عمل اسکیمیں مرتب کر سکیں، غیر شادی شدہ افراد کو غیر معمولی احتیاط رکھنے کی ضرورت ہے۔
اسد:
24جولائی تا23اگست
ہماری مانئے اور سب کچھ بھول بھال کر اپنے شریک حیات کی دلجوئی حقیقی معنوں میں کیجیے یہی وہ وقت ہے جب کہ آپ اپنی چاہتوں کا حقیقی صلہ اپنے شریک حیات سے پا سکیں گے۔
سنبلہ:
24اگست تا23ستمبر
آپ نے اپنی موجودہ پوزیشن کا اندازہ غلط لگایا ہے، جلد بازی نہ کیجیے ورنہ بازی ایک بار پھر پلٹ سکتی ہے، آپ اس حقیقت کو نظرانداز نہ کیجیے کہ بڑی کوشش و محنت کے بعد حالات نے صحیح رخ اختیار کیا ہے۔
میزان:
24ستمبر تا23اکتوبر
اگر کاروبار خواہ وہ کسی بھی قسم کا ہے میں آپ نے خصوصی دلچسپی نہ لی تو پھر نقصان بھی ہو سکتا ہے، ویسے تو مالی لحاظ سے یہ عرصہ بہتر ہے لیکن محتاط رہنا بھی ضروری ہے۔
عقرب:
24اکتوبر تا22نومبر
کاروباری حضرات کو بھی خاصی محنت و جدوجہد کرنا پڑ سکتی ہے، بہرحال انھیں مایوسی نہیں ہو سکتی اور وہ کافی کچھ حاصل کرکے اپنی ضروریات زندگی بآسانی پوری کر سکیں گے۔
قوس:
23نومبر تا22دسمبر
محبوب سے جو توقعات وابستہ تھیں وہ جزوی طور پر پوری ہو سکتی ہیں، حالات سے گھبرا کر نیا کاروبار کرنے کا پروگرام نہ بنایئے، ورنہ زیادہ نقصان ہو سکتا ہے، گھریلو سکون مکمل طور پر حاصل رہے گا۔
جدی:
23دسمبر تا20جنوری
حالات خاصے تشویشناک ہو سکتے ہیں، اب بھی وقت ہے احتیاط برت لیں تاکہ مزید پریشانیوں کا سامنا نہ کرنا پڑے، اخراجات کی رفتار کچھ زیادہ تیز رہے گی، صحت بہتر رہے گی۔
دلو:
21جنوری تا19فروری
یہ بات درست ہے کہ کچھ عرصے سے غیر متوقع پریشانیوں نے آپ کی زندگی اجیرن کر رکھی ہے آپ جو کچھ چاہتے ہیں وہ نہیں ہو پاتا اسکے باوجود ہم یہی کہیں گے کہ ہمت نہ ہارئیے۔
حوت:
20فروری تا20مارچ
اپنی چھپی ہوئی صلاحیتوں سے کام لے کر حالات کو سنوارنے کی کوشش کیجیے، ان گنت خوشیاں آپ کے دامن میں ہوں گی اگر حسب سابق جذباتی بن کر احمقانہ اقدامات کیے تو پھر ہر راہ کانٹوں سے پر ہو سکتی ہے۔
