کراچی (ویب ڈیسک) ڈسٹرکٹ ملیرو گردونواح کی آبادیوں میں چائنز کمپنی اور کراچی ویسٹ مینجمنٹ بورڈ کے عملہ نے مثالی صفائی کا میکنزم ترتیب دیکر علاقہ مکینوں اور نمائندوں کے دل جیت لئے۔ نمائندوں نے اپنی اپنی طرف سے باقاعدہ سرٹیفیکیٹ جاری کرکے جنگ جیانگ چائینز کمپنی اور سالڈویسٹ مینجمنٹ کمپنی کراچی کی کارکردگی کو تسلی بخش قرار دے دیا۔ تفصیلات کے مطابق ڈسٹرکٹ ملیر کی یونین کونسل نمبر 6 کے چیئر مین احسان اللہ تاکاروی ، یونین کونسل 10 کے چیئرمین محمد اختر بلوچ، یونین کونسل نمبر 4 مجید کالونی کے وائس چئیرمین محمد رحمنٰ خان ، یونین کونسل نمبر 2 مسلم آبادی ڈی ایم سی کےچئیرمین ڈاکٹر سید شبیر سمیت درجنوں بلدیاتی نمائندوں نے اپنی اپنی طرف سے باقاعدہ سرٹیفیکیٹ جاری کرتے ہوئے جنگ جیانگ چائینز کمپنی اور سالڈویسٹ مینجمنٹ کمپنی کراچی کے ایم ڈی اے ڈی سنجانی اور دیگر افسران کی کارکردگی کو تسلی بخش قرار دیا ہے اور کہا ہے کہ دیگر ڈسٹرکٹ کی انتظامیہ کو بھی اسی طرح اپنے اپنے علاقوں کو صاف کرنا چاہیے ۔ ڈسٹرکٹ ملیر کے بلدیاتی نمائندوں اور کراچی سے تعلق رکھنے والے متعدد سیاسی و سماجی رہنماوں نے ڈسٹرکٹ ملیر کی بہترین صفائی کرنے پر چائنیز کمپنی اور سالڈ ویسٹ مینجمنٹ کی انتظامیہ کو شاباش دی ہے اور کہا ہے اگر اسی طرح دیگر علاقوں میں بھی صفائی کی جائے تو پورا کراچی صاف ہو سکتا ہے۔
