مسلم لیگ ن کے رہنماؤں نے کہا ہے کہ عمران خان جیسا یوٹرن لینے والا شخص نہیں دیکھا، پرویز خٹک نے پختون اورپنجاب کانعرہ لگا کر ریاست سے زیادتی کی۔
مسلم لیگ ن کے رہنما اور وفاقی وزیر خواجہ سعد رفیق، مریم اورنگزیب اور طارق فضل چوہدری تحریک انصاف کے ’یوم تشکر‘ جلسے کے حوالے سے پریس کانفرنس کررہے تھے۔
خواجہ سعد رفیق کا کہنا تھا کہ تمام راستے کھلے ہونے کے باوجود آپ کا شو ناکام ہوگیا،حیران ہوں 6 ہزار کرسیوں پر 10لاکھ افراد کیسے بیٹھ گئے،کسی شخص کوعدالتوں پردباؤاوراس کے خلاف سازش کی اجازت نہیں دےسکتے۔
انہوں نے کہا کہ عمران خان سپریم کورٹ کی توہین کے مرتکب ہوئے ہیں، تحریک انصاف ایک کالاچشمہ پارٹی بن چکی ہے،
بانکے میاں آپ کا کیا بنے گا۔
خواجہ سعد رفیق کا یہ بھی کہنا تھا کہ عمران خان عدالتی مفرورہیں،یہ انکے لیے قانونی اصطلاح ہے،ہم چاہتے ہیں کہ عمران خان گڈ بوائے بن جائیں۔
مریم اورنگزیب کا کہنا ہے کہ عمران نےسیاست سے وضع داری ختم کرنےکی بھونڈی کوشش کی،ان کا سیاسی کیرئیر ختم ہو چکا ہے، وہ ٹی وی پر آتے ہیں تو مائیں ٹی وی بند کردیتی ہیں،عمران خان گالم گلوچ کرتے ہیں۔
انہوں نے کہا کہ اب بھی وقت ہےخیبرپختونخوا میں عوام کی خدمت کریں، 6 ماہ کے شور شرابے کے بعدچندہزارکاجلسہ کیا،حکومت نےجوبھی اقدامات کیےعوام کےجان ومال کےتحفظ کیلئے کیے، خیبرپختونخوا کے لوگ عمران خان کا انتظار کر رہے ہیں۔
