اسلام آباد(یس اردو نیوز) کارگل جنگ میں بہادری کی داستانیں رقم کرنے والے کیپٹن کرنل شیر خان شہید اور حوالدار لالک جان شہید کی 21ویں برسی انتہائی عقیدت واحترام سے منائی گئی۔ تفصیلات کے مطابق کیپٹن کرنل شیر خان شہید اور حوالدار لاک جان شہید کی 21 وی برسی کے موقع پر صوابی خیبرپختونخوا اور غذر میں خصوصی دعائیہ تقاریب کا انعقاد کیا گیا۔ آرمی چیف جنرل قمر جاوید باجوہ کی جانب سے حوالدار لاک جان کی قبر پر پھول چڑھائے گئے۔آرمی چیف جنرل قمر جاوید باجوہ نے اپنے پیغام میں کہا مادروطن کے دفاع کیلئے جان نچھاورکرنے سے بڑھ کرکوئی اعزازنہیں، قوم کو اپنے بہادر بیٹوں پر فخر ہے، ہرقیمت پر ملکی دفاع کیلئے بہادری سے ڈٹے رہنا دھرتی کے بیٹوں کاشیوا ہے۔پاک فوج کے شعبہ تعلقات عامہ(آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے پیغام میں پاک فوج کی جانب سے کارگل جنگ میں نشان حیدر پانے والے2عظیم سپوتوں کوخراج عقیدت پیش کرتے ہوئے کہا کیپٹن کرنل شیرخان شہید اور حوالدار لالک جان شہید بہادری کا درخشندہ باب ہے۔ کمانڈر ایف سی این اے میجر جنرل احسان محمود خان نے لالک جان شہید اور کمانڈنٹ پنجاب رجمنٹل سینٹر نے کرنل شیر خان شہید کی قبر پر پھول چڑھائے، مختلف مکاتب فکر، سول و فوجی حکام نے شہداء کی قبروں پر حاضری دی۔ڈی جی آئی ایس پی آر کا کہنا تھا کہ صوابی،خیبرپختونخوا،غذر،گلگت بلتستان کےعظیم شہداہیروہیں، شہدا نے اپنے خون سے ہر مشکل کیخلاف عزم وہمت کی تاریخ رقم کی۔
Glowing tribute to indomitable courage, devotion & exemplary leadership of Captain Karnal Sher Khan shaheed, Nishan-e-Haider & Havaldar Lalak Jan shaheed, Nishan-e-Haider, the war heroes from Sawabi, KPK and Ghizer, GB, who wrote history with their blood against all odds. (1/2)
— DG ISPR (@OfficialDGISPR) July 6, 2020
…”There is nothing more honourable than laying one’s life for defence of the motherland. Nation is proud of its gallant sons for valour & unwavering allegiance to defend the country, regardless of the cost”. COAS (2/2)#OurMartyrsOurHeroes
— DG ISPR (@OfficialDGISPR) July 6, 2020
