پاکستان میں گوگل استعمال کرنے والے صارفین کیلئے مخصوص گوگل پاکستان کے ہوم پیج پر سرچ انجن کے ساتھ عبدالستار ایدھی ان کی پیدائش اور وفات کا سال درج ہے
لاہور (یس اُردو) انٹرنیٹ پر سب سے بڑے سرچ انجن گوگل نے معروف سماجی رہنما عبدالستار ایدھی کو خراج تحسین پیش کرتے ہوئے ان کا نام گوگل پاکستان کے ہوم پیج پر درج کر دیا ہے ۔خدمت کا استعارہ عبدالستار ایدھی ، گولیوں سے چھلنی جسم اٹھانے، رستے زخموں پر مرہم رکھنے ، بے گورو کفن لاشوں کی تدفین کرنے والے محسن کی خدمات کو جہاں ہر طبقہ فکر نے اپنے اپنے انداز میں سراہا، وہیں انٹرنیٹ پر سب سے بڑے سرچ انجن گوگل نے بھی عبدالستار ایدھی کو منفرد انداز میں خراج تحسین پیش کیا ہے ۔پاکستان میں گوگل استعمال کرنے والے صارفین کیلئے مخصوص گوگل پاکستان کے ہوم پیج پر سرچ انجن کے ساتھ عبدالستار ایدھی ان کی پیدائش اور وفات کا سال درج ہے جو کہ گوگل کی جانب سے عبدالستار ایدھی کو خراج تحسین پیش کرنا ہے ۔ اس نام پر کلک کرنے سے گوگل سرچ انجن پر عبدالستار ایدھی کے حوالے سے مزید معلومات کے پیج سامنے آجائیں گے ۔
