اگر یہ کہا جائے کہ اس وقت انٹرنیٹ کی دنیا پر گوگل کا راج ہے تو غلط نہیں ہوگا اور اس کا صدر دفتر ماﺅنٹین ویو کیلیفورنیا میں واقع ہے مگر اس کے دنیا بھر میں متعدد دفاتر ہیں۔
مگر ان دفاتر کی خاص بات وہاں کام کرنے والے افراد کو ملنے والی آسائشیں ہیں جن کا تصور بھی عام لوگ نہیں کرسکتے۔
ان کی جھلک تو آپ نیچے تصاویر میں دیکھ ہی لیں گے مگر کہا جاتا ہے کہ گوگل اس وقت ملازمت کے لیے سب سے بہترین مقام ہے تاہم ایسا واقعی ہے یا نہیں اس کا فیصلہ ہم نہیں کرسکتے۔
سوئٹزر لینڈ میں گوگل کا دفتر میں انڈے کی شکل کے کمرے سے بنے ہوئے ہیں جو میٹنگ روم کا کام کرتے ہیں۔
اس کا سرنگ نما میٹنگ روم کسی پراسرار مقام کی طرح نظر آتا ہے۔
گوگل زیورخ میں کام کرنے والے دفتر کے اندر ہی فٹبال اور باسکٹ بال جیسے کھیلوں سے لطف اندوز ہوسکتے ہیں۔
ڈبلن کے رنگا رنگ دفتر میں کام کرنے والوں کے لیے آرام اور کام کرنے کے لیے بہت زیادہ جگہ موجود ہے۔
وہ لائبریری میں مطالعہ کرسکتے ہیں اور چاہے تو آرام کرکے کام کی تھکن دور کرسکتے ہیں۔
گوگل کے اس دفتر کا کیفے ٹیریا بھی اپنی مثال آپ ہے جہاں عملے کو مفت کھانا فراہم کیا جاتا ہے۔
یہاں تفریح کے لیے دفتر کے اندر ہی راک کلائمبنگ کی سہولت بھی دی گئی ہے۔
پیرس آفس کے اندر سرخ رنگ کی ایک چمکدار گاڑی عملے کی منتظر رہتی ہے۔
اگر کوئی کام کرتے ہوئے تھک جائے تو شکاگو کے گوگل آفس میں آرکیڈ گیمز اور دیگر تفریحی سہولیات موجود ہیں۔
ماسکو میں کام کرنے والے ٹیبل ٹینس اور فٹبال کو ایک لکڑی سے بنے کمرے کے اندر اکثر کھیلتے
ہیں۔
وینس بیچ آفس میں ماضی کی مقبول آرکیڈ گیمز اور پول ٹیبل وغیرہ عملے کو تازہ دم ہونے کے لیے دی گئی ہیں۔
اس دفتر کا داخلی دروازہ بھی بہت منفرد ہے اور لوگ ایک عظیم الجثہ دوربین سے گزر کر اندر داخل
ہوتے ہیں۔
ٹورنٹو میں گوگل آفس میں کام کرنے والے چھت پر گولف سے محظوظ ہوتے ہیں۔
گوگل کے صدر دفتر میں اپنا سینڈ والی بال کورٹ بھی موجود ہے مگر وہاں دوپہر کو قیلولے کے لیے نیپ پوڈ بی رکھا گیا ہے جو کہ روشنی اور آواز کو مکمل طور پر بلاک کردیتا ہے۔
اسی طرح سوئمنگ پول بھی لوگوں کا منتظر رہتا ہے۔
نیویارک میں گوگل کا دفتر اتنا بڑا ہے کہ وہاں کام کرنے والوں کو ایک سے دوسری جگہ جانے کے لیے ان اسکوٹرز کی ضرورت پڑتی ہے۔
کینیڈا کے شہر اونٹاریو میں گوگل آفس میں پوری راک کلائمبنگ وال موجود ہے۔
یہاں ایک اندار اور جدید لائبریری بھی موجود ہے جس میں آتشدان اور ایک خفیہ کمرہ بھی رکھا گیا ہے۔
