پٹنہ (پ ن س) ممتاز شاعر و ادیب ڈاکٹر قاسم خورشید کی تازہ تحقیق ” عالمی منظر نامہ پر گودان ” کی علمی و ادبی حلقہ میں زبردست پذیرائی ہو رہی ہے۔ واضح رہے کہ گزشتہ روز سہ روزہ جشن اردو تقریب میں وزیر اعلیٰ بہار نتیش کمار کے ہاتھ سے انھیں اپنے اس تحقیقی مسودے کی اشاعت کے لیے مالی امداد دی ہے۔ واضح رہے کہ یہ اپنی نوعیت کا پہلی تحقیقی کام ہے۔
ڈاکٹر قاسم خورشید کی اس تحقیقی کاوش پر قومی کونسل برائے فروغ اردو زبان کے ڈائرکٹر ڈاکٹر خواجہ اکرام، دوردرشن کیندر پٹنہ کے ڈاکٹر ایس پی سنگھ، پروفیسر اسرائیل رضا، ڈاکٹر جاوید حیات، سنجے کمار کندن، عین تابش، رضی احمد تنہا، سمیر پریمل اور کامران غنی صبا سمیت دانشوران اردونے مبارکباد پیش کی ہے۔
امید ظاہر کی ہے کہ قاسم خورشید کی یہ تحقیق پریم چند کی تنقید و تفہیم میں نئے باب کا اضافہ کرے گی۔
