چین میں ایک لڑکی نے اپنے محبوب کیلئے ایک ایسا کام کر دیا ہے کہ اس دور میں بھی فرہاد کی یاد تازہ ہو گئی
بیجنگ: آج کل کے جدید دور میں محبت کی علامت پھول اور چاکلیٹ وغیرہ جیسے تحائف ہی گردانے جاتے ہیں لیکن چین میں ایک لڑکی نے اپنے محبوب کیلئے ایک ایسا کام کر دیا ہے کہ اس دور میں بھی فرہاد کی یاد تازہ ہو گئی ۔ برطانوی نشریاتی ادارے کی رپورٹ کے مطابق چینی لڑکی نے رسیوں کی مدد سے ایک بلند پہاڑ پر چڑھ کر اس پر اپنے محبوب کی بہت بڑی پینٹنگ بنا ڈالی ہے ۔ اس پینٹنگ نے سوشل میڈیا پر دھوم مچا رکھی ہے اور لوگ اس کے جذبے کی داد دے رہے ہیں ۔ رپورٹ کے مطابق لڑکی نے میڈیا سے گفتگو کرتے ہوئے اپنی مکمل شناخت ظاہر کرنے سے انکار کر دیا ، لڑکی نے کہا کہ میں ہر ہفتے کے اختتام پر اس پہاڑ پر چڑھتی اور اس کی تصویر بناتی تھی ، مجھے اس کام میں دو مہینے لگے ، میں چھٹی کے دن صبح 3 بجے پینٹنگ بنانا شروع کرتی اور کئی گھنٹوں تک اس کام میں لگی رہتی تھی تب کہیں دو ماہ میں جا کر اتنی بڑی پینٹنگ مکمل ہوئی ۔
