نیس میں آتشبازی دیکھنے کیلئے ہزاروں لوگ جمع تھے ، ایک جنونی نے ٹرک ہجوم پر چڑھا دیا ، 80 افراد مارے گئے ، پولیس کی فائرنگ سے ٹرک ڈرائیور بھی ہلاک
نیس (یس اُردو ) قومی دن کے موقع پر فرانس کو خون میں نہلا دیا گیا،،شہر نیس میں ٹرک جشن منانے والے ہجوم پر چڑھ گیا ۔ 80 افراد ہلاک اور 200 سے زائد زخمی ہوگئے ، ٹرک ڈرائیور فائرنگ کے تبادلے میں مارا گیا ۔ فرانس کے شہر نیس میں قومی دن کے موقع پر آتشبازی کا مظاہرہ کیا جارہا تھا جسے دیکھنے کیلئے ہزاروں کی تعداد میں لوگ جمع تھے ۔ اسی دوران تیز رفتار ٹرک موت کا فرشتہ بن کر ہجوم میں گھس گیا ۔ 6 ٹن وزنی ٹرک کی رفتار 70 کلومیٹر فی گھنٹہ تھی ۔ قاتل ٹرک دو کلومیٹر تک ہجوم میں گھستا چلا گیا ۔ اس نے راہ میں آنے والے ہر چھوٹے بڑے کو کچل ڈالا ۔ سیکیورٹی پر موجود اہلکاروں نے فائرنگ کر کے ٹرک ڈرائیور کو ہلاک کر دیا ۔ فرانسیسی پولیس کا کہنا ہے کہ ٹرک سے اسلحہ ، بارودی مواد اور دستی بم برآمد ہوئے
