دفاعی نمائش آئیڈیاز 2016 ء میں پاکستان اپنی دفاعی مصنوعات تیار کرنے کی صلاحیت دنیا کے سامنے پیش کررہا ہے، اس سال 9 نئے ملک نمائش شرکت کررہے ہیں، نمائش میں چین ، ترکی اور روس کی بڑی کمپنیوں کے اسٹالز بھی فوکس کئے جارہے ہیں ۔
کراچی میں 4 روزہ آئیڈیاز دفاعی نمائش شروع ہوگئی ہے ، نمائش میں پاکستان کے جے ایف تھنڈر لڑاکا طیارے، الخالد ٹینک، طیارہ شکن توپیں، بحری جہاز، گاڑیاں، ڈرون، رائفلز، پسٹل، وردیاں اور دیگردفاعی سامان پیش کیاجارہا ہے۔
پاکستان کا اسلحہ دنیا میں اپنی صلاحیت اور کم قیمت ہونے کی وجہ سے اہمیت رکھتا ہے، حکومت کے ڈیفنس ایکسپورٹ پروموشن ادارے کے مطابق گزشتہ 2 برسوں کے دوران پاکستان نے دنیا بھر میں 35 سے زائد ممالک کو اسلحہ، طیارے اور ایمونیشن فروخت کیا ہے۔
نمائش کے ساتھ سیمینار اور کانفرنس کا انعقاد کیا جارہا ہے ،اسکے علاوہ نمائش کے دوران بی ٹی بی میٹنگ کا انعقاد بھی ہوگا اور یاداشتی معاہدوں پر دستخط کئے جائیں گے۔
امید کی جارہی ہےکہ نمائش سے پاکستانی ادارے دنیا کے ساتھ تعلق بڑھاسکیں گے اور ایکسپورٹ کے آرڈرز حاصل کریں گے۔
