نیویارک (یس ڈیسک) فینٹیسی کے دیوانے ہو جائیں تیار کیونکہ وارنر برادرز کی تھرلر سے بھرپور فلم لوسٹ ریور کا پہلا ٹریلر جاری کردیا گیا ہے۔مشہور کینیڈین اداکار ریان گوسلنگ کی ہدایت کاری میں بننے والی اس فلم کی کہانی ایک ایسی خاتون کے گرد گھومتی ہے جو اپنے بچوں کو پالنے کیلئے خطرناک اور جان لیوا پیشہ اختیار کرلیتی ہے۔
فلم کی کاسٹ میں کرسٹینا ہینڈرکس،لین ڈی سیزٹیکر، میٹ اسمتھ، سوائرس رونان، ایوا میڈس اور بین مینڈلسوہن سمیت دیگر فنکار شامل ہیں۔ ریان گوسلنگ ہی کی پروڈیوس کردہ یہ فلم وارنر برادرز کے بینر تلے 10 اپریل کو سینما گھروں میں نمائش کیلئے پیش کی جائے گی۔
