ایف آئی اے کا انسانی سمگلنگ مافیا ‘عدالتی اور پولیس اشتہاریوں کے خلاف کریک ڈاﺅن،مزید 4ملزمان کو گرفتار کر لیا

ترجمان ایف آئی اے کے مطابق منگل کو ایف آئی اے گوجرانوالہ کی ٹیم نے عدالتی اشتہاریوں کے خلاف کارروائی کر تے ہوئے محمد سیف ولد رسول قوم رحمانی ‘ساکن گوجرانوالہ کو گرفتار کر لیا ہے جسکے خلاف ایف آئی آر نمبر 158/10درج تھی ۔دوسری کارروائی میں ایف آئی اے گوجرانوالہ ٹیم نے شاہد منیر ولد منیر احمد ساکن نارنگ منڈی کو گرفتار کر لیا ہے ‘دونوں ملزمان ایک ہی مقدمے میں نامزد تھے اور یہ عدالتی اشتہاری تھے ۔ایف آئی اے کی ٹیم نے گوجرانوالہ میں انسانی سمگلروں کے خلاف کریک ڈاﺅن کے دوران ملزم نسیم اختر کو گرفتار کر لیا ہے ۔مذکورہ ملزم سادہ لوح شہریوں کو غیر قانونی طور پر جرمنی بھجواتا تھا ‘ملزم کے قبضے سے جرمنی کے ویزہ کے دو جعلی سٹکرز بھی برآمد ہوئے ہیں ‘ملزم کے خلاف گوجرانوالہ میں مقدمہ درج کر لیا گیا ہے ۔