لاہور: جب بھی آل رائونڈر کی ضرورت ہوئی ملک کی نمائندگی کیلئے طلب کرینگے، ہیڈ کوچ کی یقین دہانی
آل راؤنڈر فواد عالم کی قومی کرکٹ ٹیم کے ہیڈ کوچ مکی آرتھر سے ملاقات ہوئی جب کہ کل ان کا فٹنس ٹیسٹ ہوگا۔ فواد عالم نے گزشتہ روز نیشنل کرکٹ اکیڈمی میں ہیڈ کوچ سے ملاقات کی۔ اس موقع پر قومی ٹیم کے کوچ نے انہیں یقین دلایا کہ جب کبھی ضرورت ہوئی ملک کی نمائندگی کیلئے طلب کیا جائے گا۔ ذرائع نے بتایا کہ گزشتہ روز فواد کا کوئی فٹنس ٹیسٹ نہیں لیا گیا البتہ آج ٹرینر گرانٹ لیوڈن ان کی فٹنس جانچیں گے۔ واضح رہے کہ فواد عالم طویل عرصے سے قومی ٹیم سے باہر ہیں۔
