لندن(مانیٹرنگ ڈیسک) عالمی شہرت یافتہ باکسر عامر خان کی 25سالہ اہلیہ فریال مخدوم اپنے سسرالیوں سے ”آن لائن“ جھگڑے کے باعث ایک بار پھر میڈیا کی توجہ کا مرکز بنی ہوئی ہیں۔ اب تک فریال، اس کی نند اور دیور انٹرنیٹ پر ایک دوسرے کو کوسنے دیتے نظر آ رہے تھے لیکن اب ان کے اس جھگڑے کی اصل وجہ بھی سامنے آ گئی ہے اور یہ وجہ فریال مخدوم کی ایک فحش تصویر ہے جو اس نے انٹرنیٹ پر شیئر کی.اس ’سفید بالوں والی‘ عریاں سیلفی کو دیکھ کرعامر خان کے والدین کے صبر کا پیمانہ لبریز ہو گیا اور ان کے اپنی ’ماڈلنگ کی
شوقین‘ بہو کے ساتھ جھگڑے شروع ہو گئے اور بالآخر گھرکی یہ ہنڈیا انٹرنیٹ پر پوری دنیا کے سامنے پھوٹ پڑی۔ برطانوی اخبار میل آن لائن نے اپنی رپورٹ میں فریال مخدوم کی وہ فحش ’سیلفی‘ بھی شائع کی ہے جو اس نے اپریل میں اپنے فالوورز کے لیے انٹرنیٹ پر پوسٹ کی تھی۔ عامر خان کے والدین کے ایک قریبی دوست کا کہنا ہے کہ ”اس سیلفی میں فریال نے جس طرح اپنے جسم کی نمائش کی، اس پر عامر کے والدین بہت ناخوش تھے۔“ عامر خان کے یہ خاندانی دوست اس سے قبل بھی فریال مخدوم کو مختصر لباس پہننے اور سکارف نہ لینے پر ہدف تنقید بنا چکے ہیں۔ذرائع نے میل آن لائن کو بتایا کہ اس سیلفی کی وجہ سے ان کے گھر میں بڑے جھگڑے شروع ہو گئے۔ ابتدائی جھگڑے میں فریال کے سسرالیوں نے اس پر ”برہنہ“ تصاویر انٹرنیٹ پر پھیلانے کا الزام عائد کیا تھا۔رپورٹ کے مطابق گزشتہ دنوں فریال کے سسر اور ساس نے بھی میڈیا سے گفتگو کی۔ اس دوران فریال کی ساس نے روہانسی ہو کر کہا کہ ”وہ ہمیں ’پینڈو‘ کہتی ہے۔“ اس دوران عامر کے والد سجاد خان کا کہنا تھا کہ ”اب ان دونوں کی طلاق دیوار پر لکھی بات قرار پا چکی ہے۔“ 30سالہ باکسر عامر خان اپنی اہلیہ اور گھروالوں کے اس آن لائن جھگڑے پر چند روز تک خاموش رہے مگر گزشتہ دنوں وہ بھی بول پڑے اور اپنی اہلیہ اور والدین، دونوں فریقوں کو سخت وارننگ دے دی۔ دوسری طرف فریال مخدوم گزشتہ روز پھر سماجی رابطے کی ویب سائٹ ٹوئٹر پر نمودار ہوئیں اور عامرخان کے والدکے طلاق سے متعلق بیان پر ردعمل ظاہر کرتے ہوئے کہا کہ ”میں زندگی بھر عامرکا ساتھ دینے کی قسم نبھاﺅں گی، ہماری طلاق کا کوئی امکان نہیں، اب ہمیں صرف موت ہی جدا کر سکتی ہے۔“اس پیغام کے ساتھ فریال نے اپنی اور عامر خان کی گزشتہ شب ٹورنٹو میں ایک چیئرٹی گالا میں لی گئی تصویر بھی شیئر کی جس میں دونوں بہت خوش دکھائی دے رہے تھے۔مزید براں فریال مخدوم نے اب اپنی اس ’دکھ کی بپتا‘ کو لیڈی ڈیانا کی صعوبتوں کے ساتھ بھی تشبیہ دے دی ہے، جن کے بعد ان کی موت واقع ہو گئی تھی۔واضح رہے کہ فریال مخدوم ماڈلنگ میں اپنے کیریئر کا آغاز کر چکی ہے جس کے لیے اس نے پلاسٹک سرجری کے ذریعے چہرے کے خدوخال بھی تبدیل کروا ڈالے ہیں۔ اس تبدیلی پر بھی اسے اپنے دیور اور نند کی طرف سے تنقید کا نشانہ بنایا جا رہا ہے۔ گزشتہ دنوں اس کے دیور ہارون خان نے ٹوئٹر پر لکھا کہ ”کون کہتا ہے مائیکل جیکسن مر چکا ہے، جیکو اب بھی ہمارے ساتھ رہتا ہے۔“ اگلی ٹویٹ میں اس نے لکھا کہ ”بلاشبہاسلام کہتا ہے کہ تمہیں اپنے عوارض تبدیل نہیں کروانے چاہئیں اور اسی شکل و صورت کے ساتھ زندگی گزارنی چاہیے جس کے ساتھ تم پیدا ہوئے تھے۔“
