اسلام آباد(یس اردو نیوز) پاکستان کے بعد ہمسایہ ملک میں بھی جعلی لائسنس یافتہ پائلٹس کامعاملہ سراٹھانے لگا۔ 4000 کے قریب جعلی لائسنس کا سکینڈل منظر عام پرآگیا۔ انڈین میڈیا کی رپورٹ کے مطابق انڈیگوائرلائن کے پائلٹ پرمیندرکورگولاٹی کے جعلی لائسنس میں گرفتاری کے بعد تحقیقات تیز کردی گئیں۔گولاٹی نے اپنی مارکس شیٹ کی ٹمپرنگ کی تاکہ وہ پائلٹ کا لائسنس حاصل کرسکیں۔ جس کے بعد ہندستان کی قومی ائرلائن ائرانڈیا کے کیپٹن جے کے ورما کی گرفتاری عمل میں آئی۔
انڈین ڈائریکٹرجنرل ایوی ایشن کے مطابق مزید پائلٹ بھی آہستہ آہستہ رڈار پرآچکے ہیں۔ اورانڈیگوائرلائن کی میناکشی سہگل اورایم ڈی ایل آر کے سواران سنگھ تلواربھی تحقیقات سے گزر رہے ہیں۔
دو ماہ پہلے پرمیندر گولاٹی کو جب گرائونڈ کیا گیا تو معاملے کی تحقیقات شروع ہوئیں۔ ہندوستان کے ایوی ایشن واچ ڈاگ ڈی جی سی اے نے بدعنوانی تسلیم کرتے ہوئے بتایا ہے کہ 4000 جعلی لائسنسوں کی تحقیقات جاری ہیں۔
https://www.ndtv.com/video/news/news/india-may-have-4000-fake-pilots-193535
