میزبان ٹیم فرانس نے آئر لینڈ اور ورلڈ چیمپئن جرمنی نے سلواکیہ کو شکست دے کر کوارٹر فائنل میں رسائی حاصل کی جبکہ بیلجئم نے ہنگری کو شکست دیکر کوارٹر فائنل میں جگہ بنائی۔
پیرس: (یس اُردو) فرانس کے شہر طولوز میں کھیلے گئے میچ میں بیلجئیم نے یک طرفہ مقابلے کے بعد ہنگری کو چار صفر سے شکست دے دی۔ کھیل کے دسویں منٹ میں ایلدرویرلد نے بیلجیئم کو برتری دلا دی جو پہلے ہاف کے خاتمے تک برقرار رہی۔ کھیل کے دوسرے ہاف میں ہنگری کے زبردست کھیل پیش کیا لیکن گول نہ کر سکی۔آئر لینڈ اور فرانس کے درمیان کھیلے گئے میچ آئر لینڈ نے فرانس کے خلاف میچ کا آغاز جارحانہ انداز سے کیا اور دوسرے ہی منٹ میں گول داغ دیا۔ دوسرے ہاف میں فرانس نے شاندار کھیل پیش کیا۔ اینٹائنی گریزمین نے تین منٹ میں دو گول کر کے میزبان ٹیم کو دو ایک سے کامیابی دلادی۔جرمنی اور سلواکیہ کے درمیان ناک آوٹ میچ یک طرفہ رہا۔ ورلڈ چیمپئن کی جانب سے جیروم بوٹینگ نے آٹھویں، ماریو گومز نے تینتالیسویں اور جولین ڈریسلر نے تریسٹھویں منٹ میں گول سکور کیے۔ جرمنی نے تین صفر سے کامیابی سیمٹ کر ایونٹ کے کوارٹر فائنل میں جگہ بنالی۔
