گوجرانوالہ (ویب ڈیسک) سی آئی اے پولیس نے رہزنی و ڈکیتی کی متعدد وارداتوں میں ملوث و مطلوب عبدالمنان الیکٹریکل انجینئر (سرغنہ) ڈکیت گینگ سمیت تین ارکان گرفتار کر کے ان کے قبضہ سے دو لاکھ روپے نقدی، تین عدد پسٹل ، ایک عدد کار، ایک عدد موٹر سائیکل125 اور درجنوں زندہ رائونڈ برآمد کئے ہیں۔
ڈرامہ سیریل عہد وفا کی آخری قسط کب سینما گھروں میں دکھائے گی ؟ جان کر آپ کا دل خوش ہو جائے گا
گرفتار کئے گئے ملزمان میں عبدالمنان شامل ہیں۔ ملزمان نے انکشاف کیا کہ انہوں نے رہزنی کی متعدد وارداتیں صدر گوجرانوالہ، پیپلز کالونی، علاقہ تھانہ کھیالی اور ضلع ہذا کے مختلف علاقوں میں وارداتیں کرنے کا انکشاف کیا۔ قابلِ ذکر بات یہ ہے کہ ڈکیت گینگ کا سرغنہ عبدالمنان بیرونِ ملک چائنہ سے الیکٹریکل انجینئر کی ڈگری لی ہوئی ہے اور صرف اپنی دوسری بیوی کو راضی کرنے کے لیے ساری وارداتیں کی ہیں۔ ذرائع کا کہنا ہے کہ ملزم کی بیوی اپنے آرام اور عیش کے لیے ملزم کو زیادہ سے زیادہ پیسے لانے کا مطالبہ کرتی تھی ، اور اس کا کہنا تھا کہ چوری کرو ڈاکہ ڈالو مجھے خوش رکھو ملزمان سے مزید تفتیش جاری ہے۔ دوسری جانب ایک اور خبر کے مطابق دوسری جانب ایک خبر کے مطابق طلاق دینے کی رنجش پر خاتون نے 2بھائیوں اور 4 ساتھیوں کی مدد سے چھریوں کے وار کر کے سابق خاوند کو موت کے گھاٹ اتار دیا۔
تفصیلات کے مطابق محلہ کرامت آباد کے رہائشی حکیم محمد اکرم کی شادی 7 سال قبل گوجرہ کی رہائشی ریحانہ بی بی سے ہوئی جس کے بطن سے ایک بچہ ہوا پھر میاں بیوی میں ناچاقی پیدا ہو گئی جس پر محمد اکرم نے ریحانہ بی بی کو طلاق دے دی۔ گزشتہ شب ریحانہ بی بی کے بھائیوں سلطان عرف چھانا اور فاروق عرف فاروقا نے اپنے 4 ساتھیوں کی مدد سے چھریوں کے پے در پے وار کر حکیم محمد اکرم کی شہ رگ کاٹ دی جس سے وہ موقع پر ہلاک ہو گیا جبکہ ملزمان فرار ہو گئے۔ پولیس نے مقدمہ درج کر کے ملزمان کی تلاش شروع کردی۔
