ملائیشیا (نیوز ڈیسک) مذہبی اسکالر ڈاکٹر ذاکر نائیک نے مودی سرکار کی گھناؤنی منصوبہ بندی سے پردہ اُٹھا دیا۔ تفصیلات کے مطابق ملائشیا میں دیے گئے ایک خطاب میں ڈاکرد ذاکر نائیک نے برطانوی صحافی رابرٹ فیسک کے کالم کا حوالہ دیتے ہوئے کہا کہ جیسے اسرائیل نے فلسطین کو تباہ کرنے کے بعد اس کی سرزمین پر قبضہ کیا بالکل اسی طرح اب بھارت بھی کشمیر میں یہ سب کچھ کرنا چاہتا ہے۔انہوں نے کہا کہ بھارت اسرائیل سے تربیت حاصل کر رہا ہے تاکہ وہ مستقبل میں پاکستان کو تباہ کر کے کشمیر پر مکمل طور پر قبضہ حاصل کر لے۔ انہوں نے مسلم امہ پر تنقید کرتے ہوئے کہا کہ ان سنگین حالات میں مسلمان ممالک کوئی کردار ادا نہ کر رہے، کیونکہ ان کے اپنے معاشی مفادات بھارت کے ساتھ ہیں۔انہوں نے کہا کہ 1947ء میں میں یہ طے ہوا تھا کہ بھارت کی چھتری کے نیچے بھی کشمیر آزاد تصور کیا جائے گا اور کوئی بھارتی باشندہ ان کی زمین نہیں خرید سکتا اور ان کی اپنی شناخت ہو گی۔آج 70 سال بعد انتہا پسند بے جی پی حکومت نے غیر آئینی طور پر آرٹیکل 370 ختم کر دیا جو کشمیر کے باسیوں کو تحفظ فراہم کرتا تھا۔ مذہبی اسکالر ڈاکٹر ذاکر نائیک نے مقبوضہ کشمیر کے معاملے پر بھارتی وزیراعظم نریندرا مودی کو بھی تنقید کا نشانہ بنایا ۔ اُن کا کہنا تھا کہ نریندر مودی کو یہ تک معلوم نہیں ہے کہ بادلوں کی وجہ سے ریڈار سے کوئی چیز چھپ نہیں سکتی مگر انہوں نے اس حوالے سے ایک عجیب منطق دی کہ بادلوں کے باوجود اپنے پائلٹس کو پاکستانی جہازوں پر حملہ کرنے کا حکم دیا۔کئی صارفین نے بھی بھارت کے حوالے سے مذہبی اسکالر ڈاکٹر ذاکر نائیک کی باتوں کی حمایت کی اور کہا کہ بھارت مقبوضہ کشمیر کو اپنی گھناؤنی منصوبہ بندی سے حاصل کرنا چاہتا ہے اور ساتھ ہی ساتھ پاکستان پر بھی قبضہ کرنے کا خواب دیکھ رہا ہے۔
